سولتۇستىك كورەيا اقش-تىڭ اسكەري كامپانياسىنا قاتىسپاعان مەملەكەتتەرگە تيىسپەيدى

سولتۇستىك كورەيانىڭ بۇۇ-داعى ەلشىسى كحدر اقش-تىڭ اسكەري كامپانياسىنا قاتىسپاعان مەملەكەتتەرگە قارسى يادرولىق قارۋ قولدانۋ قاۋپىن توندىرمەيتىنىن جاريالادى. رەسمي وكىل بۇۇ-داعى مالىمدەمەسىندە كورەي جارتىتۇبەگىندەگى جاعداي ۋشىعىپ، يادرولىق قارۋ سوعىسى باستالۋ الدىندا تۇرعانىن ايتىپ، بولعان جايتقا امەريكانى كىنالادى. بۇل تۋرالى APF اقپاراتتىق اگەنتتىگى جازدى. 

"امەريكا سولتۇستىك كورەياعا  قاۋىپ توندىرگەنىن دوعارىپ، ءوزىنىڭ "جاۋگەرشىلىك ساياساتىن" توقتاتپايىنشا، ءبىز يادرولىق قارۋىمىزدى كەلىسسوزدەر ۇستەلىنە قويمايمىز", - دەدى ول.

وسىدان بۇرىن كيم جوڭ ۋن مەن دونالد ترامپ اراسىندا بولعان ء"سوز سوعىسى" كەزىندە اقش پرەزيدەنتى سولتۇستىك كورەيانى تولىقتاي جويىپ جىبەرۋگە ۋادە ەتكەن ەدى. دەگەنمەن وتكەن اپتادا جۋرناليستەرگە سۇحبات بەرگەن اقش-تىڭ مەملەكەتتىك حاتشىسى رەكس تيللەرسون دونالد ترامپ سوعىستى قالامايتىنىن جەتكىزدى.

سولتۇستىك كورەيانىڭ بۇۇ-داعى وكىلى ءوز سوزىندە اقش-قا ەسكەرتۋ جاساپ ءوتتى: "امەريكا ورنالاسقان قۇرلىق بىزدەن الشاق ورنالاسقانىمەن، ەگەر دە اقش اسكەرىنىڭ تابانى ءبىزدىڭ قاسيەتتى جەرىمىزگە تيەتىن بولسا، "سوعىس اشقان مەملەكەتتى" (امەريكا ماعىناسىندا) جەر شارىنىڭ كەز كەلگەن بولىگىنەن تاۋىپ الامىز".

“The Qazaq Times”