قىرعىزستان جاڭا پرەزيدەنتىن سايلادى

قىرعىزستاننىڭ ورتالىق سايلاۋ كوميسسياسى پرەزيدەنت سايلاۋىنا قاتىسۋشار داۋىسىنىڭ 97 پايىزىن ەسەپتەپ بولدى. وسىلايشا سوتسيال دەموكراتيالىق پارتيا كانديداتى، بۇرىنعى پرەمەر-مينيستر سوورونباي جەەنبەكوۆ سايلاۋدىڭ ءبىرىنشى تۋرىندا جەڭىسكە جەتتى، دەپ حابارلايدى "ينتەرفاكس-قازاقستان".

الدىن الا مالىمەتتەر بويىنشا، ەكىنشى تۋر بولمايدى. وسك توراعاسى نۇرجان شايلدابەكوۆا  باسپاسوز كونفەرەنتسياسى كەزىندە سايلاۋ قورىتىندىسى تۋرالى مالىمدەدى. وسك مالىمەتىنشە، سايلاۋعا كەلگەندەردىڭ سانى 55,93 پايىزدى قۇراعان جانە بەرىلگەن داۋىستاردىڭ 97 پايىزى بەلگىلى بولدى.

جاريالانعان اقپاراتقا سەنسەك، جەەنبەكوۆكە سايلاۋشىلاردىڭ 54,23 پايىزى داۋىس بەرگەن. ال ونىڭ نەگىزگى قارسىلاسى ومىربەك بابانوۆ 33,47 پايىز داۋىس جيناعان. ءۇشىنشى ورىندا 6,41 پايىز داۋىسقا يە بولعان - رەسپۋبليكانىڭ قاۋىپسىزدىك كەڭەسىنىڭ ەكس حاتشىسى اداحان مادۋماروۆ.

ايتا كەتەيىك، داۋىس بەرۋ رەسمي تۇردە استانا ۋاقىتىمەن 20:00-دە اياقتالدى.  قىرعىزستانداعى پرەزيدەنت سايلاۋى بۇگىن تاڭعى ساعات 8:00-دە باستالدى.

“The Qazaq Times”