اقش تاعى دەموكراتيالىق پارتيانىڭ ەلۋدەن استام كونگرەسمەنى جاڭا سايلانعان دونالد ترامپتىڭ انت بەرۋ سالتاناتىنا بايكوت جاريالادى.

بۇنى  bbc.com حابارلادى.

بۇعان دەيىن 20 قاڭتاردا وتەتىن يناۋگراتتسيا كۇنىنە 26 كونگرەسمەن بايكوت جاريالاعانىن ايتقان.

كوپتەگەن امەريكالىقتار ءۇشىن باتىر سانالاتىن جون ليۋيس دونالد ترامپتى زاڭدى سايلانعان پرەزيدەنت دەپ تانىمايتىن ايتىپ كەلەدى.

باسقا كونگرەسمەندەر دە جون ليۋيستىڭ پىكىرىمەن كەلىسەدى. ولار ترامپتىڭ بيلىككە كەلۋىنە رەسەي ارالاسقان دەگەن پىكىردە.

بىراق ترامپ twitter پارقشاسىندا “بۇلار جاي سوزدەر،  ەشقانداي نەگىزى جوق سوزدەر” دەپ جازدى.

وتكەن اپتادا بىرنەشە بەلسەندىلەر ترامپ تۋرالى ويىن ءبىلدىرىپ، ۋاشينگتوندا مىڭداعان شەرۋشىلەر قارسىلىق اكتسياسىن وتكىزىپ، جاڭا سايلانعان ترامپتىڭ يناۋگراتسياسىن وتكىزبەۋگە نيەتتەنىپ جاتقاندارىن ايتقان ەدى.

شەرۋگە شىققاندار تاعى بىرنەشە “سىيلىق” دايارلاپ قويعاندارىن ايتتى. بىراق، ولار ترامپتىڭ جاقتاستارىمەن قاقتىعىسىپ قالۋ قورقىنىشىن دا جاسىرمادى.

اقش-تىڭ جاڭا پرەزيدەنتىنىڭ انت بەرۋ ءراسىمى وتەتىن كۇنى ۋاشينگتوندا بىرنەشە اكتسيالاردى وتكىزۋگە رۇقسات بەرىلگەن. بۇل جولى ترامپتىڭ يناۋگراتسياسىنا 800 مىڭ ادام قاتىسادى دەپ كۇتىلۋدە. قاۋىپسىزدىكتى ساقتاۋعا 15 مىڭ ارنايى جاساق تارتىلىپ وتىر.

"The Qazaq Times"