كحدر اقش سانكتسيالارىن «قىلمىس» دەپ اتادى

رەسمي پيوڭياڭ (پحەنيان) اقش-تىڭ رەسەي، يران جانە سولتۇستىك كورەياعا سالعان جاڭا سانكتسيالارىن «قىلمىس» دەپ اتادى.

اقش پرەزيدەنتى دونالد ترامپ جوعارىدا اتالعان ءۇش مەملەكەتكە جاڭا سانكتسيالار سالۋعا بايلانىستى زاڭعا قول قويعاننان كەيىن. سولتۇستىك كورەيا سىرتقى ىستەر مينيسترلىگى: «اقش-تىڭ بۇل ارەكەتى بىرىككەن ۇلتتار ۇيىمىنىڭ قارارى مەن حالىقارالىق قۇقىقتارعا قارسى جاسالعان قادام. كحدر اقش تاراپىنان جاسالعان بارلىق سانكتسيالارعا ءوز قارسىلىعىن بىلدىرەدى جانە وزگە مەملەكەتتەردە اقش-تىڭ زاڭسىز ارەكەتتەرى جايىندا ويلانۋى ءتيىس» - دەگەن مالىمدەمە تاراتقان.

بۇدان بولەك سولتۇستىك كورەيا سىرتقى ىستەر مينيسترلىگى اقش-تىڭ سالعان سانكتسيالارى پيوڭياڭنىڭ زىمىران سىناعىن وتكىزۋىنە كەدەرگى جاساي المايتىنىن. كەرسىنشە اقش-تىڭ وسىنداي ارەكەتتەرىنەن كەيىن كحدر ءوز قورعانىسىن كۇشەيتۋ ءۇشىن الداعى ۋاقىتتادا زىمىران سىناقتارىن وتكىزە بەرەتىنىن حابارلاعان.

ەستەرىڭىزگە سالايىق، شىلدەنىڭ 28-29 قاراعان ءتۇنى سولتۇستىك كورەيا ءوزىنىڭ كەزەكتى بالليستيكالىق زىمىرانىن سىناقتان وتكىزگەن بولاتىن.

“The Qazaq Times”