فوتو : U.S. Navy/ Matt Brown

قاجەت بولعان جاعدايدا قىتايعا قارسى يادرولىق قارۋ قولدانۋعا دايىنبىز دەدى اقش-تىڭ تىنىق مۇحيتى فلوتىنىڭ قولباسشىسى سكوتت سۆيفت.

اۆستراليا مەن اقش بىرلەسىپ وتكىزگەن اسكەري وقۋ-جاتتىعۋ جۇمىستارىنان كەيىن وتكىزگەن دوڭگەلەك ۇستەلگە قاتىسۋشىلاردىڭ ءبىرى قويعان «ءسىز قىتايعا يادرولىق قارۋ قولدان دەگەن بۇيىرىق كەلسە ورىندايسىز با؟» - دەگەن سۇراققا سكوتت سۆيفت: «ءيا، ءبىز ەل پرەزيدەنتىنەن وسىنداي بۇيىرىق كەلەتىن بولسا، ونى ورىنداۋعا قاشاندا دايىنبىز. سەبەبى اقش اسكەرىنىڭ ءار ءبىر ساربازى باس قولباشىعا قىزمەت ەتۋگە انت بەرگەن» - دەپ جاۋاپ بەرگەن.

قازىرگى تاڭدا ۋاشينگتون مەن بەيجىڭ قارىم-قاتىناسى وتە قيىن جاعدايدا. وتكەن اپتادا قىتاي ۇشاقتارى وسى ايدا ءۇشىنشى رەت وڭتۇستىك قىتاي تەڭىزى اۋماعىنا ءوتىپ كەتكەن اقش ۇشاعىن ۇستاعان. شىلدە ايىنىڭ باسىندا قىتاي اقش-تى سيشا ارالدارى ورنالاسقان داۋلى ايماققا ءوز كەمەلەرىن كىرگىزۋ ارقىلى ەل تاۋەلسىزدىگىنە نۇقسان كەلتىرىپ، حالىقارالىق كەلىسىمدەردى بۇزدى دەپ ايىپتاعان بولاتىن.

ال دونالد ترامپ ۇكىمەتى سولتۇستىك كورەياعا قاتىسى بار بىرقاتار  قىتايلىق بانكتەر مەن كومپانيالارعا سانكتسيالار دايىنداپ جاتقاندىعىن مالىمدەگەن ەدى.

“The Qazaq Times”