قازاقستان ۆيزا ساپاسى بويىنشا ورتا ازيا ەلدەرى اراسىندا ءبىرىنشى ورىندا

«Passport Index» اگەنتتىگى ۆيزا ساپاسى بويىنشا الەمدىك ەلدەردىڭ ءتىزىمىن جاريالادى. تىزىمدە قازاقستان مەن قىرعىزستاننىڭ تولقۇجاتتارى ورتالىق ازيادا «ەڭ ۇزدىك» قۇجات دەپ سانالعان.

اگەنتتىك جاريالاعان تىزىمدە تولقۇجاتتىڭ ۇزدىك ەكەنى ۆيزاسىز بارا الاتىن ەلدەر سانىنا قاراي انىقتاعان.

ازاماتتارى 71 ەلگە ۆيزاسىز بارا الاتىن قازاقستان بۇل تىزىمدە الەم بويىنشا 56 ورىنعا تابان تىرەگەن. قىرعىزستان 58 ەلگە ۆيزاسىز بارا الاتىندىقتان تىزىمدە 68 ورىندا تۇر. ال، تاجىكستان ازاماتتارى 54 ەلگە، تۇرىكمەنستان ازاماتتارى 48 ەلگە ۆيزاسىز بارا الادى ەكەن.

اتالمىش ءتىزىمنىڭ كوشىن گەرمانيا مەن سينگاپۋر ەلدەرى باستاپ تۇر. بۇل ەكى ەلدىڭ ازاماتتارى 158 ەلگە ۆيزاسىز كىرىپ-شىعا الدادى ەكەن.
ءتىزىمنىڭ سوڭىن اۋعانستان ەلى تۇيىندەپ تۇر. بۇل ەلدىڭ تولقۇجاتىنا يە ازاماتتار تەك 24 ەلگە ۆيزاسىز بارا الاتىنى بەلگىلى بولعان.

“The Qazaq Times”