گازا سەكتورى. فوتو: Jerusalem Center For Public Affairs.

يزرايل ارمياسىنىڭ مالىمدەمەشىسى وۆاي ودراي گازا سەكتورىنا سوعىس ۇشاقتارىمەن شابۋىلداعانىن مالىمدەدى. ونىڭ ايتىسىنشا گازادان يزرايلگە قاراتا زىمىران اتىلعان. سوعان جاۋاپ رەتىندە اسكەري ۇشاقتارىن گازانىڭ باتىسى مەن رافاحتىڭ سولتۇستىگىندەگى حاماستىڭ اسكەريلەرى ورنالاسقان اۋماققا اتتاندىرعان. بۇل تۋرالى «تۇرىك تەلە-راديو» قىزمەتىنىڭ رەسمي سايتى حابارلاپ وتىر.

وۆاي ودرايدىڭ مالىمەتىندە، حاماستىڭ گازا سەكتورىن باقىلاۋعا ۇستاپ وتىرعانىن اتاي كەلىپ، بۇل اۋماقتان يزرايلگە جاسالعان ءتۇرلى شابۋىلدارعا حاماستىڭ جاۋاپتى ەكەنىن ەسكەرتىپ ءوتتى.

ال گازاداعى لاۋازىمدىلاردىڭ بەرگەن مالىمەتىندە ءيزرايلدىڭ اۋە شابۋىلىنان تەك قانا ماتەريالدىق شىعىنداردىڭ بولعانىن، ادام شىعىنى بولماعانى بەلگىلى بولدى.

حاماستىڭ مالىمدەمەشىسى: «ءيزرايلدىڭ العا تارتىپ وتىرعان زىمىراننىڭ اتىلۋى، ولاردىڭ كوتەرىلىسكە تيەسىلى نىسانداردى اتىپ، داعدارىستى كۇردەلىلەندىرۋ ءۇشىن كەرەك بولىپ وتىر. بۇل ولاردىڭ بارشاعا ايان جاڭا ءبىر قاۋىپتى ويىنى»، – دەدى.

“The Qazaq Times”