فوتو: 4SOUL.NET

شەتەلدىك Mercer كومپانياسى ءوزىنىڭ جىل سايىن جاسايتىن شولۋى اياسىندا شەتەلدىكتەر ءۇشىن الەمدەگى ەڭ قىمبات قالالاردىڭ رەيتينگىن جاريالادى. كومپانيا قىمبات قالالاردى انىقتاۋ كەزىندە شەتەلدىكتەردىڭ قانشا قارجى جۇمسايتىنىن انىقتاعان. سونىمەن شەتەلدىكتەردىڭ قالتاسىنا "اۋىر" تيەتىن قالالار ءتىزىمى تومەندەگىدەي. 

1. لۋاندا، انگولا

لۋاندا — انگولانىڭ استاناسى، مەملەكەتتىڭ ساياسي، مادەني، قارجى-ءوندىرىس ورتالىعى. ەلدە ساياسي جاعداي تۇراقسىز. سونداي-اق، ۇزاق مەرزىمدى ازامات سوعىسىنان كەيىن ينفراقۇرىلىم دەڭگەيى دە السىرەگەن. وسى سەبەپتەن بولار قالا شەتەلدىكتەر ءۇشىن قىمبات. مۇمكىن بيۋدجەتتى تۋريستەردىڭ قاراجاتى ارقىلى تولتىرۋدى ماقسات ەتەتىن بولار.

مىسالى شەتەل ازاماتى بۇل قالاعا بارا قالعان جاعدايدا ەشقانداي مۇلىكسىز ەكى بولمەلى پاتەردى جالداۋعا ايىنا شامامەن 6 065,67 دوللار جۇمسايدى.

2. گونكونگ

گونكونگ قىتايدىڭ ارنايى اكىمشىلىك ورتالىعى، ازياداعى ءىرى قارجى ورتالىعى. مەملەكەت بولا الاتىن قالا دەۋگە بولادى. ەكونوميكا نارىعى ەركىن، سالىق تومەن جانە رەسپۋبليكا قالا ەكونوميكاسىنا ارالاسپايدى. گونكونگ ازيا تۋريستەرى ءۇشىن قىمبات قالا. سەبەبى ولاردىڭ ۆاليۋتالارى اقش دوللارىنا بايلاۋلى بولعاندىقتان تۇرعىن ءۇي جالداۋ قىمبات نەمەسە ءبىر شىنىاياق كوفە 7,88 دوللاردان اسادى.

3. توكيو، جاپونيا

توكيو — جاپونيانىڭ استاناسى، ەلدىڭ قارجى-ەكونوميكالىق، وندىرىستىك جانە ساياسي ورتالىعى. قالا ەكونوميكاسى وتە جوعارى دەڭگەيدە. سونداي-اق، توكيو ءىرى حالىقارالىق ورتالىق بولىپ ەسەپتەلەدى. دەگەنمەن بۇل قالادا جۇمىس ىستەپ، ءومىر ءسۇرىپ جاتقان شەتەلدىكتەر از. وسى جىلى يەن باعاسىنىڭ قىمباتاۋىنا بايلانىستى جاپونيا قىمبات قالالار رەيتينگىندە 5 ورىننان 3 ورىنعا كوتەرىلدى.

4. تسيۋريح، شۆەيتساريا

تسيۋريح — شۆەيتساريانىڭ سولتۇستىك-شىعىسىنداعى قالا. ەلدىڭ ءىرى قارجى ورتالىعى. كوپتەگەن ءىرى كومپانيالار مەن بانكتەردىڭ شتاب پاتەرلەرى وسى قالادا ورنالاسقان. ناعىز عىلىم ورداسى. وسى سەبەپتى دا بۇل قالا شەتەلىكتەر ءۇشىن ەۋروپاداعى قىمبات قالالاردىڭ ءبىرى.

5. سينگاپۋر

سينگاپۋر — ازيانىڭ وڭتۇستىك-شىعىسىندا ورنالاسقان مەملەكەت اتاۋلى قالا. ەكونوميكالىق نارىعى جوعارى، سالىق كولەمى تومەن، ترانسۇلتتىق كومپانيالاردىڭ ماڭىزى زور قالا. ەكونوميكاسى ەكسپورتقا تاۋەلدى. تۇرمىستىق تەحنيكا، اقپاراتتىق تەحنولوگيا، فارماتسەۆتيكا جاقسى دامىعان. شەتەلدىكتەردىڭ قالتاسىنا دا وڭاي تيمەيدى. دەگەنمەن 2016 جىلى بۇل قالا قىمباتشىلىق جاعىنان 4 ورىندا بولسا، بيىل 5 ورىنعا ءتۇسىپتى.

6. سەۋل، وڭتۇستىك كورەيا

سەۋل — كورەيا رەسپۋبليكاسىنىڭ استاناسى. ەلدىڭ قارجى-ەكونوميكالىق، مادەني، ساياسي ورتالىعى. ورتا ازياداعى ءىرى قارجى ورتالىقتارىنىڭ ءبىرى. مۇندا Samsung, LG, Hyundai, Kia جانە SK كومپانيالارىنىڭ شتاب پاتەرلەرى ورنالاسقان.

بۇل قالا ەل اۋماعىنىڭ 0,6%-ىن عانا يەلەنگەنمەن جالپى ىشكى ءونىمنىڭ 21% -ىن وسى قالا قامتيدى. نەگىزگى ءوندىرىس سالالارى: ساۋدا، كولىك، تەلەكوممۋنيكاتسيا، ەلەكترونيكا، قۇرىلىس. سەۋل 2016 جىلى قىمبات قالالار تىزىمىندە 15 ورىندا بولسا، بيىل 6 ورىنعا بىردەن كوتەرىلدى.

7. جەنەۆا، شۆەيتساريا

جەنەۆا — شۆەيتساريانىڭ وڭتۇستىك باتىسىنداعى قالا. بىرىككەن ۇلتتار ۇيىمى مەن دۇنيەجۇزىلىك ساۋدا ۇيىمىنىڭ شتاب پاتەرلەرى وسى قالادا ورنالاسقان. جەنەۆا دا ءىرى قارجى ورتالىعى بولىپ ەسەپتەلەدى. بۇل قالا قىمبات قالالار تىزىمىنە ەنىپ وتىرعان شۆەيتساريانىڭ ەكىنشى قالاسى.

8. شانحاي، قىتاي

شانحاي — قىتايدىڭ ەڭ كوپ حالقى قونىستانعان ءىرى قالاسى. شانحاي ءوزىنىڭ ەرەكشە ساۋلەتىمەن ەرەكشەلەنەدى. قارجى ءارى ساۋدا ورتالىعى. دەگەنمەن قالا قىتاي ۆاليۋتاسى يۋاننىڭ دوللارعا قاتىستى قىمبات قالالاردىڭ وندىعىنا ەندى.

9. نيۋ-يورك، اقش.

نيۋ-يورك — اقش-تىڭ ءىرى قالاسى. الەمدەگى ەڭ ءىرى قارجى-ەكونوميكالىق، ساياسي، مادەني قالا. سونداي-اق، الەمنىڭ ەكونوميكاسى وسى ەلگە شوعىرلانعان دەۋگە بولادى. قازىرگى تاڭدا نيۋ يورك، لوندون، توكيو باستى الەمدىك ەكونوميكا ورتالىعى بولىپ ەسەپتەلەدى. بۇل قالا شەتەلدىكتەر ءۇشىن اقش-تىڭ ەڭ قىمبات قالاسى. مۇندا مۇلىكسىز تۇرعىن ءۇيدى ءبىر ايعا جالداۋ شامامەن 5058 دوللار.

10. بەرن، شۆەيتساريا

بەرن — فەدەرالدى ماڭىزى بار شۆەيتساريا استاناسى. ەلدىڭ ساياسي ورتالىعى، ۇكىمەت، ورتالىق بانك پەن پارلامەنت وسى قالادا.

“The Qazaq Times”