الەم بويىنشا بوسقىندار سانى رەكوردتىق كورسەتكىشكە جەتتى

الەم بويىنشا بوسقىندار سانى رەكوردتىق كورسەتكىشكە جەتتى دەپ حابارلايدى ۆۆس اقپارات اگەنتتىگى.

بىرىككەن ۇلتتار ۇيىمىنىڭ بوسقىندار جونىندەگى اگەنتتىگىنىڭ مالىمەتىنشە، 2016 جىلى الەم بويىنشا بوسقىندار سانى 65,6 ميلليون ادامعا جەتكەن. بۇل كورسەتكىش 2015 جىلمەن سالىستىرعاندا 300 مىڭ ادامعا كوپ.

بۇۇ بوسقىندار ءىسى بويىنشا كوميسسارى فيليپپو گرانديدىڭ ايتۋىنشا، الەم بويىنشا بوسقىندار سانىنىڭ ءوسۋى حالىقارالىق ماسەلەلەردە ديپلوماتيالىق قارىم-قاتىناستاردىڭ جىل سايىن السىرەپ، تۇككە تۇرعىسىز كۇيگە جەتۋىندە.

بۇۇ زەرتتەۋى بويىنشا قازىرگى تاڭدا الەم بويىنشا ەڭ كوپ بوسقىندار ءسۇريادا 22,5 ملن ادام. ازاماتتىق سوعىس سالدارىنان ەل ىشىندە ءۇي-كۇيىنەن ايىرىلعان بوسقىندار سانى 40,4 ملن ادام. ال وزگە مەملەكەتتەردەن وزدەرىن قابىلداۋعا ءوتىنشى بىلدىرگەن ادامدار سانى 2,8 ملن.

وسى ۋاقىتقا دەيىن الەم بويىنشا بوسقىنداردى ەڭ كوپ قابىلداپ جاتقان تۇركيا 2,9 ملن ادام، پاكىستان 1,4 ملن ادام، ليۆان 1 ملن ادام، يران 979,9 مىڭ ادام، ۋگاندا 940,8 مىڭ ادام، ەفيوپيا 791,6 مىڭ بوسقىن قابىلداعان.

ال تمد مەملەكەتتەرى اراسىندا ءۇي-كۇيسىز بوسقىنعا اينالعان ادامدار سانى ەڭ كوپ ەل ول ۋكراينا. بۇۇ مالىمەتىنشە، 2016 جىلى 109 مىڭ ۋكراينالىق ەل ىشىندە بوسقىنعا اينالعان.

“The Qazaq Times”