اقش-تىڭ اپەللياتسيالىق سوتى ترامپتىڭ جارلىعىنىڭ كۇشىن جويدى

اقش-تىڭ اپەللياتسيالىق سوتى تاياۋ شىعىس جانە سولتۇستىك افريكا ەلدەرىنىڭ ازاماتتارىنا ەلگە كىرۋگە تىيىم سالاتىن  پرەزيدەنت دونالد ترامپتىڭ ەكىنشى جەڭىلدەتىلگەن جارلىعىنىڭ كۇشىن جويۋ تۋرالى تومەنگى ينستانتسيانىڭ شەشىمىن سول قالپىندا قالدىردى.

6 ناۋرىزدا قول قويىلعان جارلىقتا مۇسىلمان حالقى باسىم  يران، ليۆيا، سومالي، سۋدان، ءسۇريا جانە يەمەن ازاماتتارى تەرروريزمدى تاراتۋشى دەپ قاراستىرىلعان بولاتىن. جارلىقتىڭ ءبىرىنشى نۇسقاسىنان 27 قاڭتار كۇنى يراكتى الىپ تاستاپ، وزگەرىستەر ەنگىزىلگەن ەدى.

ەكى جارلىقتىڭ دا جۇزەگە اسۋى  تەز ارادا تومەنگى ينستانتسيا سوتىنىڭ شەشىمدەرىمەن بەلگىسىز مەرزىمگە توقتاتىلعان.

كونستيتۋتسيا فەدەرالدى باسشىلىققا بەلگىلى ءبىر ءدىندى كوتەرۋ ماقساتىندا وزگە دىندەردى تومەندەتىپ، ادامنىڭ سەنىمى مەن نانىمىنا نۇقسان كەلتىرۋگە تىيىم سالادى. وسى نەگىزدە ەكى جارلىق تا سوت شەشىمىمەن كۇشىن جويدى.

“The Qazaq Times”