اقش-تىڭ ءاۆتووندىرىس سالاسىن قيىن كەزەڭ كۇتىپ تۇر

Morgan Stanley اگەنتتىگى اقش-تىڭ الداعى ءتورت جىلداعى اۆتوكولىك ساتىلىمىنا قاتىستى بولجامىن تومەندەتتى. وسى جاڭالىقتان كەيىن امەريكالىق اۆتووندىرۋشىلەردىڭ، جەتكىزۋشىلەر مەن ديلەرلەردىڭ اكتسيالارى كۇرت تومەندەپ كەتكەن.

"2020 جىلعا دەيىن اۆتويندۋستيريا سالاسىندا ايتارلىقتاي قۇلدىراۋ بولادى", - دەپ جازعان اۆتونارىق ساراپشىسى ادام دجوناس ءوزىنىڭ كليەنتتەرىنە تاراتقان حابارلاماسىندا.

ونىڭ بولجاۋىنشا، اۆتوكولىك ساتىلىمىنىڭ ورتاشا كولەمى ءبىر جىلدا 17,3 ملن كولىكتى قۇرايدى. بۇدان بۇرىن ول 18,3 ملن بولادى دەگەن. ال 2018 جىلعى بولجام مۇلدە تومەن. بۇل جىلى 18,9 ملن كولىكتىڭ ورنىنا 16,4 ملن عانا كولىك ساتىلۋى مۇمكىن. 2019-2020 جىلدارى كورستەكىش مۇلدە 15 ميلليونعا دەيىن تومەندەيدى دەپ بولجانىپ وتىر.

نارىققا مۇنداي بولجام جاسالۋ سەبەبى - وتكەن ايدا اقش-تاعى اۆتوساتىلىم كورسەتكىشى وتە تومەن بولعان (0,6 پايىزعا كەمىگەن). مامىر ايىندا 1 ملن 509 مىڭ 633 كولىك ساتىلعان. نارىقتاعى كورسەتكىش وسىمەن 5-ءشى اي قاتارىنان تومەن بولىپ وتىر. 2017 جىلدىڭ قاڭتار-مامىر ايىندا شتاتتا 6 ملن 937 مىڭنان اسا كولىك ساتىلعان جانە بۇل وتكەن جىلدىڭ وسى كەزەڭىمەن سالىستىرعاندا 2%-عا تومەن.

Morgan Stanley ساراپشىلارىنىڭ مالىمەتىنشە، سوڭعى ۋاقىتتا جۇرگىزىلگەن كولىكتەردىڭ باعاسى ارزانداپ، اۆتوبقلشەكتەر قىمباتتاعان. ال اۆتووندىرۋشىلەر بولسا كليەنتى وزىنە تارۋ ءۇشىن بارىنشا جەڭىلدىكتەر جاساۋدا. ال بۇل تابىستىڭ تۇسۋىنە كەدەرگى بولىپ وتىر. سونداي-اق، ەلەكتروموبيلدەردىڭ پايدا بولۋى دا ءداستۇرلى اۆتويندۋستريا نارىعىنا كەرى اسەر ەتىپ وتىر.

“The Qazaq Times”