تاجىكستان-وزبەكستان-قازاقستان-يران ءدالىزىن ىسكە قوسۋدىڭ قاجەتتىلىگى قۋاتتالدى

ير تەمىرجول كومپانياسى باسشىسىنىڭ قوزعالىس-باعىت جانە پايدالانۋ جونىندەگى ورىنباسارى تاجىكستان-وزبەكستان-قازاقستان-يران ءدالىزىن جىلىنا 2 ملن توننا جۇك تاسۋ ءۇشىن ىسكە قوسۋدى قۋاتتادى. بۇل تۋرالى "فارس" اقپاراتتىق اگەنتتىگى حابارلادى.

ير تەمىرجول كومپانياسى باسشىسىنىڭ قوزعالىس-باعىت جانە پايدالانۋ جونىندەگى ورىنباسارى يبراھيم موھاممادي يرانداعى تاجىكستان ەلشىسى نىعمەتۋللا يمامزادەمەن كەزدەسۋىندە جۋىردا تاجىكستان، وزبەكستان، تۇركىمەنستان ەلدەرى وكىلدەرىنىڭ قاتىسۋىمەن وتەتىن تورتجاقتى وتىرىستا تاجىكستاننان الليۋميني قۇيماسىن تاسىمالداپ، يران ارقىلى وتكىزۋدى باستاۋ ءۇشىن ولاردىڭ ءبىر كەلىسىمگە كەلەتىندىگىنە ۇلكەن ۇمىت ءبىلدىردى.

موھاممادي، سونىمەن قاتار، جۋىردا تاجىكستاننان يراننىڭ وڭتۇستىگىندەگى باندار-ابباس پورتىنا الليۋميني قۇيماسىنىڭ تاسىمالداناتىنىن، يراننىڭ سولتۇستىك-شىعىسىندا ورنالاسقان سولتۇستىك حوراسان وبلىسىنىڭ دجادجرۋمنان تاجىكستانعا ايىنا 5000 توننا اليۋميني ۇنتاعىنىڭ جىبەرىلەتىنىن، تەھراننىڭ وڭتۇستىگىندەگى رەي قالاسىنان يراننىڭ سولتۇستىك-شىعىسىنداعى حوراسان-ە رازاۆي وبلىسىنداعى ساراحس پەن تاجىكستانعا 1 ملن توننا شيكى مۇناي تاسىمالداناتىنىن حابارلادى.

“The Qazaq Times”