فوتو: QT

گازا سەكتورىندا ءومىر سۇرەتىن پالەستينالىقتار دۇيسەنبى كۇنى كەشكە اقش پرەزيدەنتى دونالد ترامپتىڭ باسىپ الىنعان جەرلەرگە جاساعان ساپارىنا نارازىلىق ءبىلدىرىپ، اقش پەن سيونيستىك رەجيمنىڭ تۋلارى مەن نەاتنياحۋ مەن ترامپتىڭ قۋىرشاقتارىن ورتەدى  دەپ "فارس" اقپاراتتىق اگەنتتىگى حابارلادى.

يرنا-نىڭ مالىمەتى بويىنشا، گازا سەكتورىنىڭ تۇرعىندارى قولدارىنا «اقش پەن يزرايل – لاڭكەستىكتىڭ وزەگى» دەپ جازىلعان پلاكاتتار ۇستاپ، اقش پرەزيدەنتىنىڭ باسىپ الىنعان جەرلەرگە كىرۋىنە نارازىلىق ءبىلدىردى.

بۇدان بۇرىن يوردان وزەنىنىڭ باتىس جاعالاۋىنداعى پالەستينالىقتار دا قولدارىنا ترامپقا قارسى پلاكاتتتار ۇستاپ، ءيزرايلدىڭ اباقتىلارىنداعى اشتىق جاريالاعان پالەستينالىق تۇتقىنداردى قولداپ، ترامپتىڭ باسىپ الىنعان پالەستينا جەرلەرىنە جاساعان ساپارىنا نارازىلىق ءبىلدىردى. سيونيستىك اسكەريلەردىڭ شابۋىلىندا ولاردىڭ كەيبىرەۋى جاراقات الدى.

“The Qazaq Times”