بۇگىن يراندا پرەزيدەنت سايلاۋى وتۋدە دەپ حابارلايدى ينتەرفاكس اقپارات اگەنتتىگى.

بۇگىن يراندا ءوتىپ جاتقان پرەزيدەنت سايلاۋىنا 4 ۇمىتكەر قاتىسۋدا. ولار يراننىڭ قازىرگى پرەزيدەنتى حاسان روۋحاني، يراننىڭ ەكس-ونەركاسىپ ءمينيسترى موستافا حاشەمي تابا، ەكس-مادەنيەت ءمينيسترى موستافا ميرساليم جانە ەكس باس پروكۋرور ەبراحيم رايسي.

سوڭعى الەۋمەتتىك ساۋالنامىنىڭ قورىتىندىسى بويىنشا سايلاۋداعى باستى باسەكەلەستىك حاسان روۋحاني مەن ەبراحيم رايسي اراسىندا بولادى دەپ كۇتىلۋدە.

يران پرەزيدەنتى بولۋ ءۇشىن ۇمىتكەرلەر حالىقتىڭ 50 پايىز داۋىسىن جيناۋى ءتيىس. ەگەر ۇمىتكەرلەردىڭ ەشقايسىسى 50 پايىز داۋىس جيناي الماسا، وندا سايلاۋدىڭ ەكىنشى تۋرى وتەتىن بولادى.

بۇعان دەيىن پرەزيدەنت سايلاۋىنا ۇمىتكەرلەردى تىركەۋ كەزىندە يراننىڭ بۇرىنعى باسشىسى ماحمۋد احمادينەجادتىڭ كانديداتۋراسىن يران كونستيتۋتسيالىق كەڭەسى قابىلداماي قويعان بولاتىن.

“The Qazaq Times”