فوتو: © AP Photo / Pool/Jung Yeon-Je

«سولتۇستىك كورەيانىڭ يادرولىق قارۋى جونىندەگى ماسەلە ديالوگتى دا، سانكتسيانى دا تالاپ ەتەدى» دەدى وڭتۇستىك كورەيانىڭ جاڭا پرەزيدەنتى مۋن چجە ين قىتاي باسشىسى شي جينپيڭمەن (سي تسزينپين) تەلەفون ارقىلى تىلدەسۋىندە.

رەنحاپ اقپارات اگەنتتىگىنىڭ حابارلاۋىنشا بۇل تەلەفون ارقىلى سويلەسۋدە شي جينپيڭ، اقش-تىڭ وڭتۇستىك كورەيا اۋماعىنا تنااD زىمىرانعا قارسى قورعانىس قۇرىلعىسىن قويعانىنا الاڭداۋشىلىق بىلدىرەتىنىن ايتقان.

ال مۋن چجە ين ءوز كەزەگىندە «مەن قىتايدىڭ تنااD قۇرىلعىسىنا بايلانىستى الاڭداۋشىلىعىن جاقسى تۇسىنەمىن. ءبىز قىسقا ۋاقىت ىشىندە وڭتۇستىك كورەيا مەن قىتاي اراسىنداعى تۇسىنىسپەۋشىلىكتى شەشۋگە تىرىسامىز. وسى ماقساتتا جاقىن ارالىقتا ءبىز، بەيجىڭگە ەكى بىردەي دەليگاتسيا جىبەرۋدە جوسپارلاپ وتىرمىز» دەگەن.

ءسوز سوڭىندا قىتاي باسشىسى شي جينپيڭ وڭتۇستىك كورەيانىڭ جاڭا پرەزيدەنتى مۋن چجە ءيندى بەيجىڭگە شاقىرعان.

ەستەرىڭىزگە سالايىڭ مۋن چجە ين مامىردىڭ 10 كۇنى وڭتۇستىك كورەياداعى پرەزيدەنت سايلاۋىندا 41,08 پايىز داۋىس جيناپ جەڭىسكە جەتكەن بولاتىن.

“The Qazaq Times”