ۇزاق ۋاقىت ساقتالعان «تاريحي» زەڭگە 90 جىل بولعان ەكەن. ونىڭ Bonhams اۋكتسيونىندا ساتىلۋى دا بەكەر ەمەس. بۇل زەڭ پەنيتسيلليندى العاش تاپقىرلاعان دارىگەر الەكساندر فلەمينگتىڭ زەرتحاناسىندا پايدا بولعان.

زەڭ ارنايى دوڭگەلەك ىدىستا ساقتالعان. ال سىرتىنا جابىستىرىلعان قاعازدا تانىمال دارىگەر فلەمينگتىڭ قولتاڭباسى بار. بىراق ءدال وسى زەڭگە جاسالعان تاجىريبە ناتيجەسىندە تانىمال انتيبيوتيك انىقتالدى دەپ ايتۋ قيىن. وسىعان ۇقساس زەرتتەۋلەر نەگىزىندە ونداعان تاجىريبە جاسالعان بولاتىن.

Bonhams اۋكتسيون-ءۇيىنىڭ جەتەكشىسى مەتيۋ حەيليدىڭ ايتۋىنشا، فلەمينگ زەڭنىڭ بۇل تۇرلەرىن سول كەزدەگى عىلىم مەن ساياساتتاعى ەڭ بەدەلدى دەگەن وكىلدەرىنە جىبەرگەن بولاتىن، ولاردىڭ ىشىندە ريم پاپاسى پي XII, ۋينستون چەرچيل جانە مارلەن ديتريح بار.

اتاقتى عالىم زەڭنىڭ ەمدىك قابىلەتىن كەزدەيسوق انىقتاعان. ءبىر ىدىسقا ورنالاستىرىلعان ۆيرۋس كلەتكالارى زەڭنىڭ اسەرىنەن السىرەپ، تىرشىلىككە قابىلەتتىلىگىن جويعاندىعىن كورگەندە ادام اعزاسىندا دا وسىلاي ارەكەت ەتەتىندىگىن تاپقان. كەيىن وسى زەڭنەن پەنيتسيللين انتيبيوتيگى الىنىپ، سوعىس كەزىندە جارالاعان ءجۇز مىڭداعان ادامداردىڭ ءومىرىن ساقتاپ قالۋعا مۇمكىندىك تۋعان.

“The Qazaq Times”