اۋىر اتلەتيكاداعى دوپينگ داۋىنا بايلانىستى قورىتىندى شەشىم شىقتى

اۋىر اتلەتيكادان حالىقارالىق فەدەراتسيا قازاقستاندىق ءۇش اۋىر اتلەت مايا مانەزا، ءزۇلفيا شينشانلو جانە سۆەتلانا پودوبەدوۆاعا قاتىستى سانكتسيا قولدانۋ بويىنشا قورىتىندى شەشىم شىعاردى. قر اۋىر اتلەتيكا فەدەراتسياسىنىڭ مالىمدەمەسىنە سايكەس بىرنەشە ايدىڭ كولەمىندەگى مۇقيات زەرتتەۋ مەن سوت پروتسەسىنىڭ ناتيجەسىندە تارتىپتىك كوميسسيانىڭ ۇيعارىمى بويىنشا اتلەتتەر سپورتتان الاستاتىلدى. 2016 جىلى دوپينگ-تەكسەرۋ بارىسىندا سپورتشىلاردىڭ اعزاسىندا تىيىم سالىنعان پرەپاراتتاردىڭ قالدىقتارى تابىلعان بولاتىن.

ديسكۆاليفيكاتسيا 2016 جىلدىڭ 26 مامىرىنان كۇشىنە ەنەدى.

قورىتىندى شەشىمگە سايكەس، مايا مانەزا مەن ءزۇلفيا شينشانلونىڭ – 2 جىلعا، ال سۆەتلانا پودوبەدوۆانىڭ – 8 جىلعا سپورتتىق جارىستارعا قاتىسۋ قۇقىعى شەكتەلدى. شەشىمنىڭ جاي شىققانىنا قاراماستان، ديسكۆاليفيكاتسيا 2016 جىلدىڭ 26 مامىرىندا دوپينگ-تەكسەرۋ بارىسىندا تىيىم سالىنعان پرەپاراتتاردىڭ انىقتالعان ساتىنەن باستاپ كۇشىنە ەنەدى.

قر اۋىر اتلەتيكا فەدەراتسياسىنىڭ ارالاسۋىمەن اتلەتتەرگە وليمپيادان وزگە جارىستارداعى تيتۋلدارى مەن جەتىستىكتەرىن ساقتاپ قالۋعا مۇمكىن  بولعان.

"The Qazaq Times"