حيللاري كلينتون سNN ارناسىنا بەرگەن سۇحباتىندا بىلتىرعى اقش-تا وتكەن پرەزيدەنت سايلاۋىندا ءوزىنىڭ جەڭىلىس تابۋىنا رەسەي حاكەرلەرى مەن فبر باسشىسى دجەيمس كوميدىڭ تىكەلەي قاتىسى بارىن ايتتى.

كلينتون سەيسەنبى كۇنى سNN ارناسىنا بەرگەن سۇحباتىندا «ءيا مەن ءوزىمنىڭ جەڭىلىسىمدى تولىقتاي مويىندايمىن بىراق، سايلاۋ الدىندا ەكى دۇنيە ورىن الماعاندا قازىر مەن سىزدەردىڭ پرەزيدەنتتەرىڭىز بولار ەدىم.» دەدى.

حللاري كلينتوننىڭ ايتۋىنشا ونىڭ سايلاۋدا جەڭىلىنۋىنىڭ ءبىرىنشى سەبەبى. سايلاۋ كەزىندە ونىڭ سايلاۋ شتابىنىڭ باسشىسى دجون پودەستىڭ ەلەكتروندى پوچتاسىن رەسەيلىك حاكەرلەر بۇزىپ، ىشىندەگى بار دۇنيەنى ەلگە تاراتىپ جىبەرگەندىگى. ال ەكىنشى سەبەپ 28-ءشى قازاندا فبر باسشىسى دجەيمس كومي اقش كونگرەسسىندە كلينتون مەملەكەتتىك حاتشى بولا تۇرا جەكە سەرۆەر پايدالانادى دەپ مالىمدەمە جاساعاندىعى. كلينتون ەگەر پرەزيدەنت سايلاۋى 27-ءشى قازاندا وتكەندە مەن ءسوزسىز جەڭەتىن ەدىم دەپ ءوز ءسوزىن تۇيىندەگەن.

بۇدان بولەك حيللاري كلينتون اقش-تىڭ قازىرگى پرەزيدەنتى دونالد ترامپتىڭ جاساپ جاتقان جۇمىستارىن سىنعا الىپ، مەن ازاماتتىق بەلسەندىلىككە قايتىپ ورالدىم مەن ترامپتىڭ قارسىلاستارى جاعىندامىن دەگەن.

ەستەرىڭىزگە سالايىق اقش-تىڭ بارلاۋ قىزمەتى رەسەي حاكەرلەرىن اقش دەموكراتيالىق پارتياسىنىڭ سەرۆەرىن بۇزدى دەپ ايىپتاعان بولادى. ال رەسمي كرەمل بۇل ىسكە ولاردىڭ ەشقانداي قاتىسى جوق ەكەندىگىن ايتقان ەدى.

“The Qazaq Times”