Reseydiñ BWW-dağı twraqtı ökili Nebenzya renişti mälimdeme jasadı. Foto: VOA

Keşe, 28 aqpanda AQŞ Mäskeudiñ N'yu-Yorktegi BWW missiyasında 12 diplomatın tıñşılıq jasadı degen ayıppen quğanın mälimdedi. 

Atalğan reseylik diplomattarğa AQŞ-qa qarsı tıñşılıq jasadı degen ayıp tağılğan. AQŞ-tıñ BWW-dağı missiyasınıñ ökili Oliviya Dalton bwl turalı mälimdemesinde: «Biz bwl äreketti BWW ştab-päteri kelisimine säykes jasap jatırmız. Bwl äreket birneşe aydan beri jürgizilude», – degen.

Resmi mälimdemelerde reseylik diplomattarğa elden şığuğa 7 naurızğa deyin uaqıt berilgen. Artınşa Reseydiñ BWW-dağı twraqtı ökili Vasiliy Nebenziya da mälimdeme jasap: «Bwl AQŞ ükimetiniñ Birikken Wlttar Wyımın qabıldauşı memleket retinde Vaşingtonnıñ mindettemelerin bwzğan «dwşpandıq äreketi», – dep bağaladı.

Nebenzya mälimdemesinde reseylik diplomattardıñ quıluı «qayğılı jañalıq» dep atağan. Oli bwnday äreket BWW-nı qabıldauşı eldiñ atalğan halıqaralıq qauımdastıq jarğısın közge ilmeui, qabıldauşı el retindegi kelisim men Jeneva konvenciyalarındağı mindettemelerdi elemeu dep ayıptadı.

Ayta keteyik, BWW missiyasındağı reseylik diplomattardıñ AQŞ jağınan quıluı alğaş ret emes. Bwdan bwrın Tramp kezinde tıñşılıq jasadı degen ayıppen de BWW-dağı birqatar reseylik diplomattar AQŞ-tan şığarılğan bolatın. Ol kezde bwrınğı reseylik barlauşınıñ Britaniyada ulanuına qatıstı Uaşington men Mäskeu qatınası şielenisip twrğan bolatın.

Nebenziya söz arasında: «Qwrama Ştattar “bizge diplomatiya, diplomatiyalıq şeşimder kerek” dep ünemi aytadı, Süyte twra, mwnday qızmetterge qatısu qwqığımız şektelip keledi», – degen, sonday-aq: «Biz bwl şeşimge ökiniş bildiremiz jäne osı şeşim ayasındağı oqiğalardı baqılaytın bolamız», – dedi.

The Qazaq Times