Bişkektegi talqı. Foto: Ereindik.

Qırğızstandağı konstituciyalıq referendum onsızda auır sayasi dağdarıstı tipti de auırlata tüsetindey. Qırğız qoğamındağı köptegen sayasi toptar men partiyalar, azamattıq qoğam ökilderi Sadır Japarov bastağan Ata zañdı özgertuge degen wsınıstarı eldi regreske wşıratadı dep qauiptenude. Azamattıq belsendiler men ziyalı qauım ökilderi bilikten referendumdı toqtatudı talap etude.

Bas mizamnıñ jaña nwsqasın talqığa salğan jiınğı eks-prezident Roza Otınbaevadan tartıp, eks-prem'er-ministr Feliks Kulov, Joğarğı Keñestiñ bwrınğı törağası Abdığanı Erkebaev jäne bwrınğı vice-spiker Quanışbek Isabekov te bar. Qırğız qoğamınıñ belsendileri bir auızdan jaña nwsqanı jaramsız dep sınğa aldı jäne Sadır Japarovtı bilikti uzurpaciyaladı dep ayıptadı.  

Bişkektegi otırısta «Ata-meken» frakciyasınıñ jetekşisi Tekebaev ta jaña konstituciyalıq jobanıñ bilikti bir qolğa toptastırıp, nätijesinde avtoritarizmğa alıp keletinin alğa tarttı.

El osı jaña nwsqanı wsınğandardıñ biri jäne jaqında ğana prezidenttiñ qızmetin uaqıtşa atqaruın toqtatıp, prezidenttik saylauğa öz kandidaturasın wsınğan Sadır Japarov jaña jobanı sınağandardı ayıptadı. Ol äleumettik jelidegi sözinde: «Bwl bir adamnıñ nemese bir ğana toptıñ müddesin qorğaytın zañ emes. Jalpı eldiñ, memlekettik müddesin közdegen ata zañ. Bwl jobağa qarsı şığıp jatqan ana basşınıñ şınayı bet beynesin bir-aq künde jayıp salam», – dep jazğan.

Osılayşa Qırğızstanda bwğan deyingi sayasi dau-damaydan tısqarı jaña Konstituciya töñireginde öz aldına bir sayasi dau-şar bastalıp ketti. Jaña konstituciya jobasın qoldap, sol boyınşa referendum ötkizudi jaqtağandar parlamenttik jüyeden bas tartıp, prezidenttik jüyege köşudi qoldap otır. Al, Roza Otınbaeva bastağan birqatar sayasi partiyalar bwl eldi 20-30 jılğa keri şegindiredi dep sanaydı.

“The Qazaq Times”