AQŞ-tağı saylau jağdayı. Foto: NTimes.

AQŞ-tağı prezident saylauı äli de tartıstı kezeñde twr. Nätijesi aldımen jariya bolğan ştattardağı dauıs sanı boyınşa Baydan ozıp, artınşa Tramp ta tıqsıra quıp jetip edi, alayda, Miçigan ştatındağı nätije dauıs parqın qaytalay alşaqtatıp jiberdi. Qazir saylauşılar alqasınıñ 264 dauısın alğan Bayden alda twr, Trampta 214 dauıs bar.

Alda dauıs sanı men nätijesi belgili bolmağan Pensil'vaniya, Soltüstik Karolina, Djordjiya, Nevada jäne Alyaska ştattarı qaldı. Bayden men Tramptıñ tağdırın osı ştattar şeşpek. Qazirgi nätije boyınşa Baydende mümkindik joğarı. Qalğan bes ştattıñ törteuinde Tramp alda twrğanımen, Nevadada Bayden basım twr. Eger Nevadada Tramp bir jola jeñilse Aq üyden ketuine tura keledi, sebebi Bayden Nevadanıñ 6 dauısın alsa boldı 270 dauıspen jeñimpaz bolmaq.

Biraq, tağdır tek Nevadada ğana şeşilmeytindey, Djordjiya ştatında da dauıstar az ğana parıqpen sanalıp jatır. Demokrattar kezekti saylauda basım dauıspen wtıp şığamız dep ümittengen. Tipti Bayden Florida, Djordjiya jäne Soltüstik Karolinanı Tramptan tartıp alam dep oylağan bolatın. Naqtı saylau küni onday bolmay şıqtı.

AQŞ-tağı saylau nätijesi körsetilgen kartalardan köbinde eldiñ batıs jäne şığıs teñiz jağalauına jaqın iri qalalardıñ töñireginde Demokrattar basım dauısqa ie bolıp jatqanın bayqaymız. Bayden basımdıq alğan köptegen ştattardıñ özinde territoriya jağınan Respublikaşıldardıñ basımdığın köruge boladı. Bwl AQŞ-tağı äleumettik qwrılımdı da körsetip twr.

“The Qazaq Times”