AQŞ barlau qızmeti Resey, Qıtay jäne Iran elderi AQŞ jüyesin özgertuge äreket etip jatqanın aytuda. Foto: Newsweek.

Resey, Qıtay jäne Iran elderi AQŞ-tağı qoğamdıq pikirdi özgertuge jäne 2020 jılğı prezident saylauına aralasuğa äreket etip otır. Mwnday aqparattı amerikalıq basılımdar Tramp ükimetiniñ resmi ökili jasağan mälimdemege silteme jasay otırıp tarattı.

Bloomberg News habarında Qıtay bwl maqsatta dästürli BAQ-tı belgili bir sayasattı nasihattauğa ıntalandırsa, Resey men Iran äleumettik jelilerdi barınşa paydalanıp jatqanın aytqan. Al, amerikalıq barlau qızmetiniñ lauazımdıları Washington Free Beacon-ge bergen mälimetinde, 2020 jılğı saylauda Qwrama Ştattıñ jalpıwlttıq saylau jüyesiniñ şabuılğa wşırauına qarsı şaralardı jasaudı wsınğan. Äsirese, keybir elderdiñ äleumettik jeliler arqılı saylauğa aralasuına jol bermeudi qadağalau kerektigin aytqan.

Bwğan deyin amerikalıq barlau agenttikteri Reseydi 2016 jılğı prezident saylauı jäne 2018 jılğı aralıq saylauğa aralastı dep ayıptap kelgen bolatın. AQŞ-tıñ barlau agenttigindegi lauazımdılardıñ aytuınşa, Reseydiñ eñ negizgi josparı – amerikalıqtardı wqsamağan közqarastar arqılı bir-birine qarsı qoyu, Qwrama Ştatta pikir alauızdığın tudırıp, sayasi jüyeni bwzu. Degenmen, bwğan deyin Reseyge basa män berip kelgen barlau qızmeti, endigi jerde Qıtay men Irannıñ äreketterinde qadağalaudı barınşa küşeytpek.

Qazirge, AQŞ-tıñ barlau wyımdarında şeteldik küşterdiñ AQŞ-tıñ saylauğa qatıstı infraqwrılımdarın bwzğanı turalı naqtı mälimeti joq. Biraq, şet küşterdiñ AQŞ jüyesine aralasuın boldırmau üşin memlekettik qızmetterde paydalanılatın jabdıqtarğa deyin jañalap, keybir jwmıs tärtipterine de özgerister engizbek.

 

 “The Qazaq Times”