2026 jılğı 3 qañtarda Ukraina prezidenti Vladimir Zelenskiy eldiñ sayasi basqaru jüyesinde mañızdı kadrlıq şeşim qabıldadı. Ol Ukraina prezidenti keñsesiniñ jetekşisi qızmetine bwğan deyin Qorğanıs ministrligine qarastı Bas barlau basqarmasın basqarğan Kirill Budanovtı tağayındadı. Bwl qadamdı ukrainalıq jäne batıstıq sarapşılar Ukraina biliginiñ soğıs jağdayındağı basqaru logikasın tübegeyli qayta bağdarlauı retinde bağalap otır.

Zelenskiy bwl şeşimin tüsindire otırıp, aldağı kezeñde Ukraina üşin qauipsizdik, qorğanıs, arnayı qızmetterdi damıtu jäne kelissözderdegi diplomatiyalıq amaldar şeşuşi mänge ie bolatının atap ötti. Onıñ aytuınşa, prezident keñsesi endi formaldı äkimşilik organnan göri, soğıs jağdayındağı strategiyalıq ştab rölin atqaruı tiis. Osı twrğıda Budanovtıñ barlau salasındağı täjiribesi men soğıs jıldarında jinaqtağan bedeli bastı faktor bolğan.

Ukrainalıq basılımdar (Ukrainska Pravda, NV, Suspilne) Budanovtıñ tağayındaluın «qauipsizdik vertikaliniñ küşeyui» dep sipattaydı. Soğıs bastalğalı beri Budanov Ukrainadağı eñ ıqpaldı äri tanımal qauipsizdik şeneunikteriniñ birine aynaldı. Ol Reseydiñ äskeri josparlarına qatıstı birneşe ret däl şıqqan boljamdarımen, sonday-aq barlau operaciyalarındağı batıl taktikasımen tanıldı. Sondıqtan onıñ prezident keñsesine kelui – Zelenskiydiñ äskeri-sayasi basqarudı bir ortalıqqa şoğırlandıruğa tırısqanınıñ belgisi.

Batıstıq basılımdar, sonıñ işinde Reuters, Politico jäne Financial Times, bwl tağayındaudı Ukrainadağı bilik arhitekturasınıñ «soğısqa beyimdelui» dep bağalap otır. Olardıñ pikirinşe, Budanovtıñ prezident keñsesin basqaruı Kievtiñ bastı nazardı äskeri qauipsizdik pen strategiyalıq twraqtılıqqa audarğanın körsetedi. Sonımen qatar, bwl qadam Zelenskiydiñ kelissözder kezeñine de dayındıq jasap otırğanın añğartadı: barlau salasınıñ basşısı retinde Budanov halıqaralıq seriktestermen jabıq formattağı baylanıstardı jaqsı meñgergen twlğa retinde tanılğan.

Budanovtıñ özi jaña qızmetin «el aldındağı tağı bir borış» dep atap, Ukrainağa qızmet etudi jalğastıratının mälimdedi. Bwl mälimdeme ukrain qoğamında oñ qabıldandı. Äsirese, soğıs jağdayında qatañ äri käsibi twlğalardıñ bilik qwrılımınıñ joğarı satısına köterilui halıqqa belgili bir deñgeyde senim beredi.

Bwl kadrlıq özgeris bwrınğı keñse jetekşisi Andrey Ermaktıñ otstavkasınan keyin orın aldı. Ermak 2025 jılğı qaraşa ayınıñ soñında jemqorlıq dauınıñ ayasında qızmetinen ketken. Ukrainalıq BAQ mälimetinşe, bwl dauda Zelenskiydiñ bwrınğı seriktesi Timur Mindiçtiñ esimi atalıp, keñse işindegi birneşe kömekşi men keñesşi qızmetten bosatılğan. Osı jağday prezident keñsesiniñ bedeline soqqı bolıp, Zelenskiydi tübegeyli kadrlıq qayta qwruğa itermelegen.

Budanovtıñ Bas barlau basqarmasındağı ornına bwğan deyin Ukraina Sırtqı barlau qızmetin basqarğan Oleg Ivaşenko tağayındaldı. Zelenskiydiñ aytuınşa, Ivaşenkonıñ negizgi mindeti – Reseydiñ äskeri äleuetin şekteuge bağıttalğan barlau jäne qarsı barlau jwmısın küşeytu. Bwl da Ukraina biliginiñ strategiyalıq basımdığı özgermegenin, kerisinşe tereñdey tüskenin körsetedi.

Sarapşılardıñ bağalauınşa, Kirill Budanovtıñ prezident keñsesiniñ basına kelui Ukrainadağı biliktiñ «soğıs rejimine» tolıq köşkenin bildiredi. Eger bwğan deyin keñse köbine sayasi-diplomatiyalıq üylestirumen aynalıssa, endi ol qauipsizdik pen barlau logikasına negizdelgen ortalıqqa aynalmaq. Bwl şeşim Zelenskiydiñ aldağı kezeñde äskeri qısım men ıqtimal kelissözderdi qatar jürgizuge dayındalıp otırğanın añğartadı.

Budanovtıñ tağayındaluı – jeke kadrlıq auısım emes, Ukraina memleketiniñ soğıs jağdayındağı basqaru modeliniñ özgerui. Bwl qadam Kievtiñ wzaqqa sozılğan soğısqa äri äskeri, äri sayasi twrğıda dayın ekenin körsetedi.