Soltüstik Koreya swyıq otındı sudan atılatın zımıran sınağan. Foto: VOA.

Soltüstik Koreyanıñ ötken aptada sınaqtan ötkizgen zımıranı su astınan atılatın ballistikalıq zımırannıñ jaña türi ekeni belgili boldı. Atalğan zımıran Soltüstik Koreyanıñ şığıs jağalauındağı YUanşan qalasınan jaqın mañdağı su astınan köterilip, 450 şaqırıp wşqannan keyin Japon teñiziniñ sırtına qwlağan.

Oñtüstik Koreya qorğanıs ekspertteriniñ pikirine sensek, bwl jaña zımıran Pioñyañ (Phen'yan) osı jılı sınağan özge zımırandarğa qarağanda quattı, äri on süñguir qayıqtarğa ornatuğa bolatındıqtan, AQŞ-tıñ Tınıq mwhitındağı bazalarına köbirek qauip töndire aladı.

Oñtüstik Koreyanıñ qorğanıs ökilderi jariyalağan mälimette, Soltüstik Koreya wşırğan jaña zımırannıñ maksimaldı biiktigi 950 şaqırımğa jetedi. Qwrama Ştattıñ Strategiyalıq jäne halıqaralıq zertteu ortalığı da Soltüstik Koreyanıñ kezekti sınağan zımıranıñ qaupi, osığan deyin sınalğan barlıq zımırandarınan asıp tüskenin rastadı. Ol 2000 şaqırımğa juıq qaşıqtıqqa wşıp jete aladı.

Soltüstik Koreya osı jazda qattı otındıq zımırandarın wşırıp, däldigin sınap kördi. Ädette qattı otındıq zımırandardı anıqtau onıñ qarsılastarı üşin tım qiın. Sebebi, qattı otındı paydalanatın zımırandardı wşırudan bwrın janar zatınıñ mölşerin qalauınşa özgertuge boladı. Al, ötken aptada Soltüstik Koreya wşırğan zımıran swyıq otındı paydalanatın zımıran ekeni anıqtalğan.

“The Qazaq Times”