Italiya prezidenti Serdjo Mattarella. Foto: timesofoman.com

Italiya prezidenti Serdjo Mattarella eldegi zeynetkerlik jasın tömendetuge qatıstı jaña zañğa qol qoydı. Bwl turalı BBC agenttigi habarladı.

Endi biıldan bastap otız segiz jıldan astam eñbek ötili bar qızmetkerlerge zeynetaqı «Kvota 100» bağdarlaması ayasında qarastırıladı. YAğni 29 jasqa tolmay qızmet etken erler men äyelder 62 jasta zeynetke şığadı. Bwğan deyin zañ boyınşa erler üşin 67, al äyelder üşin 66 jas zeynet jası retinde belgilengen.

2011 jılı Italiyada ekonomikalıq dağdarıs orın alıp, zeynetkerlik jası 67-ge deyin wlğaytılğan bolatın. Soñğı jıldardağı Italiyadağı sayasi dağdarıstıñ eñ bastı sebebi, parlamenttegi basım orındı eşbir partiya nemese al'yanstıñ jeñip almauı dep sanaydı sarapşılar. Bwl Italiya parlamentin qauqarsızdıqqa alıp kelip, soñında wzaq jılğa sozılğan sayasi dağdarıstar men ekonomikalıq qiınşılıqtarğa wşırattı. Saldarınan Euroaymaqtıñ üşinşi ülken ekonomikalıq aymağı auqımdı sayasi twraqsızdıqqa tap boldı. Bıltır osı mäselege qatıstı jiın ötip, Eurokomissiya Italiyadan alğaş ret byudjet jobasın tolıqtırudı talap etti. Rim äleumettik bağdarlamalarğa qatıstı byudjet kölemin 0,9%-ğa wlğaytudı wsınğanmen, Bryussel' onı keri qaytardı. Sebebi, eki tarap wsınısındağı ayırmaşılıq 25 milliard euroğa jetken.

Qazirdiñ özinde Italiya jwmıssızdıq indeksi boyınşa EO elderi arasında üşinşi orında. Eldegi qarjılıq dağdarıstı jäne jwmıssızdıq deñgeyin qalıpqa keltiru üşin prezident Mattarello jaña reforma qabıldanatının mälimdedi. Sonımen qatar, şäkirtaqı, zeynetaqı jäne äleumettik kömekke bölinetin qarjı artadı.

"The Qazaq Times"