Şinzo Abe jäne Kim Joñ Iñ. foto: Life.ru

Japondıqtan endi Soltüstik Koreya  men aradağı jağdaydı qalıpqa keltiru üşin jwmıstar jasay bastaydı. Bwl turalı Tokioda ötken parlamenttiñ aşıq sessiyası kezinde Japon eliniñ prem'eri Şinzo Abe mälimdedi.

«Biz bwrın Soltüstik Koreya elimen bolğan aradağı qasiretterdi qalıpqa keltirip, jağdaydı jaqsartamız», dep habarlağan Abe özderiniñ bolaşaqta ıntımaqtastıqqa dayın ekedigin jetkizdi.

Sol siyaqtı prem'er aradağı senimsizdik tanıtqan zımıran jäne yadrolıq qaru taqırıbındağı şeşimin tappağan swraqtarğa da ortaq jauap tauıp, Soltüstik Koreyalıqtardıñ bir kezderi Japoniya azamattarın wrlağandığın da talqılaytındığın atap ötti. Osı orayda Soltüstik Koreya eliniñ köşbasşısı Kim Joñ Iñmen kezdesip, AQŞ, Oñtüstik Koreya jäne halıqaralıq qoğamdastıqtıñ özge de memleketterimen sayasattı bağdarlaudı közdep otırğandığın habarladı.

Bwdan bölek, Japoniya Soltüstik Koreya eliniñ basşısımen Phen'yanda ötetin sammit kezinde kelisimge keludi közdep otır. Alayda, demokratiyalıq koreya eliniñ biligi Tokionıñ bwl wsınısına aşıq türde jauap qatpay otır.

Negizinen qos memleket arasındağı dau Ekinşi Düniejüzilik soğıstan keyin bastalğan. Koloniyalıq aralğa talasqan memleketter bitimgerşilikke kele almay, sayasi jağdayların uşıqtırıp aldı. Bwdan keyin, 1970 jıldarı Soltüstik Koreyanıñ arnayı qızmetkerleri Japoniyanıñ 17 azamatın wrlap ketken. Alayda, Korey Wlttıq Demokratiyalıq Respublikası tek, 13 azamattı wrlağandığın ğana moyındağan. 2002 jılı Japon eliniñ eks-prem'eri Zyun'itiro Koizumi Phen'yanğa saparı kezinde tek, 5 japondıqtı eline qaytaruğa mümkindiñ aldı. Qalğan 8-i qaza taptı dep otır Soltüstik Koreya tarapı.  Biraq, japoniyalıqtar qaza turalı anıqtamalardıñ jalğan ekendigin aytıp, qaza tapqandardı sot aldında däleldeuge şaqırğan bolatın. Biraq, Kim Joñ Iñ ükimeti mwnday qadamğa barmay otır.

1980 jıldan beri Japoniya ne üşin Soltüstik Koreyamen ıntımaqtasudı közdep otır degen saual köptiñ kökeyinde jürgendigi belgili. Bwğan sebep te bar. Öytkeni, eñ alğaş AQŞ-tıñ ses körsetuine baylanıstı Kim Joñ Iñ orta jäne wzaq qaşıqtıqtağı zımırandarın AQŞ äskeri bazası ornalasqan "Guam" aralına atatındığın mälimdegen bolatın. Osıdan keyin, amerikamen odaqtas bolıp otırğan Oñtüstik Koreya men Japoniyanıñ da ükimeti üreylene qaradı. Sebebi, äskeri bazağa jetken zımırandar äp sätte bwl eki memlekettke jetip baratındığı ras. Bwl qauiptiñ betin qaytaru üşin japondıqtar wrlanğan azamattardıñ isin artqa tastap, seriktestiktiñ jaña bağıtına bet aldı. Äytse de, türli jağdaylar orın alıp bwl baylanıs ornıqtı türde orındalmay keledi. Birde, Soltüstik Koryanıñ zımırannan bas tartuın swrasa, endi birde AQŞ ädettegi üstemdigin arttırğısı keletindigi de bayqalıp twradı. Biraq, äli künge deyin eşkimge moyınwsınbay kele jatqan Demokratiyalıq Koreya eli naqtı iske köşpey eşkimmen tığız baylanıstı boludı qalamaytındığın birneşe ret däleldey bildi.

Abeniñ jasağan tağı bir jaña mälimdemesi qanşalıqtı jüzege asatındığı belgisiz. Öytkeni, barlığın bağdarlap otırğan Kim Joñ Iñ biligi naqtı jauap beruge asığar emes.

"The Qazaq Times"