AQŞ-tıñ irandıq jäne reseylik kompaniyalarğa, sonımen qatar jeke twlğalarğa qarsı jaqında ğana salğan sankciyasına baylanıstı Tegeran öz mälimdemesin jasadı.

Vaşington atalğan iske qatısı bar ökilderdiñ barlığına mwnaydı zañsız tasmaldadı degen ayıp tağıp otır. Alayda, mwnday qatañ zañğa irannıñ sırtqı ister ministrliginiñ baspasöz hatşısı Behram Qasım öz pikirin bildirdi.

«Aqılğa qonımsız jäne bedeu sankciyalardı  qwrastırıp, kompaniyalar men jeke twlğalarğa qısım körsetkenderder, eşqaşan oyındağı şeşimge jete almaydı», dep mälimdedi.

AQŞ-tıñ qarjı ministrligi jaqında ğana reseydiñ memlekettik korporaciyası men irannıñ tört wyımına jäne bes jeke twlğasına sankciya jariyalağan bolatın.

5 qaraşa küni AQŞ öziniñ kezekti retki sankciya paketin Iranğa qarsı joldağan. Onda energetika salası men qarjı sektorına bağıttalğan. Sol sekildi, sankciyada irandıq mwnay kompaniyalarınıñ halıqaralıq mümkindikterine tosqauıl qoyıp, Iran bankteriniñ halıqaralıq qarjı wyımdarındağı operaciyalardı erkin jürgizuine tiım salğan bolatın. Bwdan bölek, iran porttarı, teñiz tasmalı da qara tizimniñ işinen tabılğan.

Esteriñizge sala keteyik, 8 mamır küni AQŞ basşısı Donal'd Tramp Vaşingtonnıñ Iranmen jasağan yadrolıq kelisimnen şığatındığın mälimdep, alğaşqı sankciyasın jariyalağan bolatın. Bwdan keyin Iran biligi 1955 jılı eki eldiñ arasındağı «dostıq, ekonomikalıq baylanıs jäne konsuldıq zañdı» bwzdı dep BWW Halıqaralıq sotına şağımdanğan edi. Alayda, AQŞ basşısı bwl istiñ özine qattı bir soqqı bolmaytındığın sezgendey üsti-üstine sankciyasın jaudıruda.

“The Qazaq Times”