Foto: ews.liga.net

«Äl Kaida» wyımınıñ bwrınğı jetekşisi Usama ben Ladenniñ anası Aliya Ganem  balasına qatıstı alğaş ret swhbat berip, wlınıñ radikalisterdiñ ıqpalına qalay tap bolğanı turalı da tolığıraq aşıp ayttı. Bwl turalı «liberation.fr» saytı A. Ganemniñ «The Guardian»-ğa bergen swhbatına silteme jasap habarlaydı.

Äyeldiñ aytuınşa, onıñ balası öte aqıldı bolğan äri sabağın da jaqsı oqığan. Al, radikalisterdiñ ıqpalına Saud-Arabiyasınıñ Djidde qalasındağı Abdulaziz korol' atındağı uinversitettiñ ekonomika fakul'tetinde oqıp jürgende wşırağan. Osıdan keyin ol müldem basqa adamğa aynalğan.

«Basın aynaldırğan adamdar payda bolğanğa deyin ol öte jaqsı bala boldı. Sol kezde ol bar bolğanı 20-nıñ ar jaq-ber jağında edi. Mwnı sekta dep atauğa boladı. Ol mağan nemen aynalısıp jürgenin eşqaşan aytpadı. Sebebi meni qattı jaqsı kördi», - degen A.Ganem «The Guardian»-ğa bergen swhbatında.

Terrorist otbasımen soñğı ret 1999 jılı Auğanstannıñ Kandagar qalasına jaqın ornalasqan bazada kezdesken. Anasınıñ sözinşe, Usama ben Laden jaqındarın körgenine qattı quanğan.

«The Guardian» Usama ben Ladenniñ inileri — Ahmad pen Hassannan da swhbat alğan. Olardıñ sözinşe, anaları eşqaşan balasın terrorist retinde körmegen. Ahmad pen Hassan 11 qırküyek oqiğasınıñ Usaba ben Ladenniñ isi ekenin bilgennen keyin ol üşin wyalğandarın da aytqan. «Biz keyin asa qiın jağdayda qalatınımızdı da bildik», - degen ben Ladenniñ inisi Ahmad.

2001jıldıñ 11 qırküyeginde AQŞ-ta iri terakt orın alıp, saldarınan 2977 adam qaza tauıp, 24 adam iz-tüssiz ketken edi. Osı isti Usama ben Laden basqaratın «Äl Kaida» öz moynına alğan. Ben Ladenniñ qaytıs bolğanı turalı habar 2011 jılı tarağan edi. Onıñ Päkistanda amerikalıq arnayı bölimşe tarapınan öltirilgeni turalı habarlanğan.

“The Qazaq Times”