Oñtüstik Koreya prezidenti arnayı jasaqpen kezdesude. Foto: WSJ.

AQŞ ükimetiniñ resmi ökilderiniñ mälimetine qarğanda, Oñtüstik Koreya AQŞ ieligindegi Koreya armiyasınıñ soğıs kezindegi basqaru qwqığın qaytarıp beruin talap etude. Bwnıñ sebebin Seul tarabı Korey tübegindegi soğıs jağdayına aldın ala dayındalu dep tüsindirgen. Alayda, Qwrama Ştat Oñtüstik Koreya armiyasınıñ soğısqa äli dayın emes ekeninen alañdaydı. Bwl turalı «WSJ» basılımınıñ resmi saytı habarladı.

Soltüstik Koreyanıñ artıp kele jatqan qaterine baylanıstı, Koreya armiyasınıñ «soğıs uaqıtında jauıngerlik qolbasşılıq» mäselesi AQŞ pen Oñtüstik Koreya arasında şielenisti tudırdı.

AQŞ Qorğanıs ministri Jim Mettis bügin Oñtüstik Koreyağa saparlay baradı. Kezdesu kezinde talqılanatın bastı taqırıptıñ biri de osı mäsele bolğalı twr. Eki eldiñ ökilderi bergen mälimette Mettistiñ Oñtüstik Koreya men Soltüstik Koreya şekarasına baratını aytılğan.

Oñtüstik Koreya qalıptı uaqıtta öz armiyasın basqara aladı. Biraq 1950 jıldardağı soğıstan bastap küşine engen kelisimge säykes, Korey tübegindegi auqımdı qaqtığıstan bolğan jağdayda Koreyadağı amerikalıq äskerler men koreyalıq äskerilerge qolbasşılıq etu qwqığı AQŞ-ta boladı. Qazirgi kezde Oñtüstik Koreya jerinde AQŞ-tıñ 28 mıñ 500 qarulı äskeri bar.

Oñtüstik Koreya ükimeti soğıs kezindegi armiyağa qolbasşılıq etu qwqığın özderi qaytarıp alatın-almaytının, Jim Mettis saparınan keyin belgili boladı dep otır.

“The Qazaq Times”