Teñizdegi gaz qwbırı. Foto: kyrgyztoday.kg

Bwl turalı Tükimenstan sırtqı ister ministrligi habarlaydı. Soñğı künderi türikmen-iran gaz mäselesine qatıstı Iran jäne özge elderdiñ bwqaralıq aqparat qwraldarında bir-birimen üylespeytin aqparattar payda boldı delingen ministrliktiñ baspasöz bayanında.

Olardıñ birazı «ekijaqtı kelisimniñ säykessizdiginen» türikmenniñ tabiği gazın 2017 jıldıñ 1qañtarınan bastap Iranğa jetkizu toqtadı degenge sayadı. Al, kelesi jariyalanımdarda kerisinşe, «Iran Türikmenstanmen türikmen gazın jetkizu boyınşa 5 jıldıq kelisimşartqa qol qoydı» delingen. Osı orayda, Türikmenstannıñ Sırtqı ister ministrligi joğarıdağıday bir-birine qarama-qayşı aqparattardıñ negizsiz ekenin mälimdeydi. Şın mäninde, 1997 jıldıñ jeltoqsan ayınan bastap Türikmenstan gazdı satıp alu-satu kelisimşartına säykes ekijaqtı kelisimdi qatañ saqtay otırıp, Iranğa gaz jetkizudi jüzege asırıp keledi. Ökinişke qaray, Irannıñ wlttıq gaz kompaniyası 2013 jıldan bastap Iran Islam Respublikasına bwğan deyin jetkizilgen türikmen tabiği gazı üşin qarızın öteuge küş salmay otır.

Iran tarapınıñ aytarlıqtay qarızğa batuı saldarınan olarğa wzaqmerzimdi kelisimşartqa säykes gaz jetkizip beruge bağıttalğan Türikmenstannıñ gaz jetkizu infraqwrılımı ştattıq rejimi jwmısın qarjılıq qoldauda qiındıqtar tudırdı. 2016 jılı Iran tarapına kögildir otın jetkizu salasına qatıstı qalıptasıp otırğan keleñsiz jağday turalı sonımen qatar, türikmen gazın jetizudi tejeu mümkindigi jaylı birneşe märte resmi türde aqparat berilgen.

Bwl rette, tölemniñ keşeuildeui köptegen problemalardı tuğızuı mümkin ekeni aytılıp, türikmen tarapı tuındağan mäseleni jedel şeşuge bağıttalğan birqatar wsınıstar engizdi. Alayda, Irannıñ Wlttıq gaz kompaniyasınıñ Türikmenstannıñ sındarlı bastamasına enjarlığı men mäseleni birge şeşuge selqostığı 2017 jıldıñ 1-qañtarınan bastap türikmen gazınıñ Iranğa jetkiziluin tejeuge mäjbür etti.

Türikmenstannıñ sırtqı ister ministrligi, bwl mäseleni sayasilandırudıñ kez-kelgen äreketi men bwl tiptes aqparattardı türikmen tarapı joqqa şığaratının atap ötedi.

"The Qazaq Times"