سەيسەنبىدە فرانتسيا، رەسەي جانە اقش باستاعان ەلدەر ارمەنيا مەن ءازىربايجان اراسىنداعى قاقتىعىستى توقتاتۋ ماقساتىندا «مينسك توبى» ارقىلى ەكى وڭتۇستىك كاۆكاز ەلى اراسىندا كەلىسسوزدەر جۇرگىزىپ، شيەلەنىستى شەشۋگە تىرىسۋ كەرەك دەپ مالىمدەدى.
جەكسەنبىدە قاراباق جەرىندە ءازىربايجان اۋە-ارتيللەريا شابۋىلىن جاساعاننان كەيىن ونىڭ ونداعان اسكەري قىزمەتكەرى قازا تاۋىپ، جۇزدەن استامى جارالانعان. بۇل تاۋلى قاراباق وڭىرىندەگى 1990 جىلدان بەرگى قاقتىعىستار اراسىنداعى زاردابى ەڭ اۋىر قاقتىعىس.
فرانتسيا پرەزيدەنتى ماكروننىڭ كەڭسە قىزمەتكەرى: «ءبىز الداعى كۇندەرى بولعان جاعدايدى انىقتاۋ ءۇشىن مينسك توبىنىڭ كەلىسسوزدەرىن باستايمىز جانە بۇل ماسەلەدەن شىعۋدىڭ جولىن قاراسترامىز»، – دەدى.
ايتا كەتەيىك، 27 قىركۇيەكتە ارمەنيا پرەمەر-ءمينيسترى نيكول پاشينيان ءازىربايجان قارۋلى كۇشتەرى تاۋلى قاراباق باعىتىندا شابۋىل باستاعانىن ايتتى. ارمەنيا ءسىم مالىمەتىنشە، ءازىربايجان ارمياسى ەلدى مەكەندەردى، سونىڭ ىشىندە تانىلماعان ستەپاناكەرت رەسپۋبليكاسىنىڭ استاناسىن بومبالاعان.
ءوز كەزەگىندە ءازىربايجان قورعانىس مينيسترلىگى ارميان تاراپىنا جاۋاپ رەتىندە شارالار قابىلداپ، جاعدايدى باقىلاۋدا ۇستايتىنىن مالىمدەدى.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى