Jattığuğa tartılğan AQŞ jauıngerleri. Foto:Sputnik International.

Şeteldik BAQ-tıñ bügingi habarına qarağanda,  Şveciya NATO müşeleriniñ qoldauımen el tarihında 20 jıldan beri bolıp körmegen äskeri jattığu ötkizgen. Bwl qadam Reseyge qaratqan äskeri äreket arqılı bergen jauap dep qarauğa boladı. Sebebi, jaqında ğana Resey jaq «Batıs-2017» iri äskeri oqu-jattığu ötkizip, bir qatar Batıs elderin üreylendirgen edi. Bwl turalı «Şinlañ» aqparattıq saytı jazdı.

Şveciya jaq osı ayda ötetin «Avrora 17» äskeri jattığuları 20 mıñnan astam äskerli jwmıldırğalı otır. Mwnşalıq zor kölemdegi äskeri oqu-jattığu Şveciyası 23 jıldan beri bolıp körmegen. 20 mıñnan astam jauıngerdiñ 19 mıñın Şveciya dayındasa, AQŞ-tıñ 1435 äskeri men Franciyanıñ 120 jauıngeri jattığuğa qatıstırıldı. Bwdan özge Daniya, Finlyandiya, Norvegiya, Litva jäne Estoniyadan kelgen äskerler de bar.

11 qırküyekten bastalğan äskeri qimıl, 29 qırküyekke deyin jalğasadı. Negizinen şığıs Stokgol'mde, Geteborg batıs jağalauında jäne Baltıq teñizindegi Gotland araldarı mañında ötkiziledi.

Esteriñizge sala keteyik, 14-20 qırküyek arasında, Resey qarulı küşteri Belarus' armiyasımen birlese otırıp, «Batıs-2017» äskeri jattığuın ötkizdi. Resey jaq 13 mıñ jauınger qatıstı dep körsetken jattığuğa, Batıs jwrtı tiksine qaradı. NATO qoldauımen ötip jatqan Şveciyanıñ «Avrora 2017» jattığuı Reseydiñ sol äskeri äreketine bergen batıs elderiniñ jauabı deuge boladı.

“The Qazaq Times”