وزبەكستاندا كەزەكتەن تىس پرەزيدەنت سايلاۋىنا داۋىس بەرۋ 28 ماۋسىمنان 5 شىلدەگە دەيىن سوزىلادى. بۇل تۋرالى ەلدىڭ ورتالىق سايلاۋ كوميسسياسى (وسك) مالىمدەدى. 

وسك 20 ماۋسىمدا قابىلداعان توقتامعا سايكەس، سايلاۋ ۋچاسكەلەرى جۇمىس كۇندەرى 9:00-دان 18:00-گە دەيىن، دەمالىس كۇندەرى 11:00-دەن 17:00-كە دەيىن اشىق بولادى.

الدىن الا داۋىس بەرۋ سايلاۋ كۇنى تۇرعىلىقتى جەرىندە بولا المايتىن ازاماتتارعا ارنالعان. ول ءۇشىن نەگە داۋىس بەرە المايتىنىن ءتۇسىندىرىپ، ايماقتىق سايلاۋ كوميسسيالارىنا ارىز جازۋى كەرەك.

وزبەكستاندا كەزەكتەن تىس پرەزيدەنت سايلاۋى 9 شىلدەدە وتەدى.