قازاقستاندىق قۇقىق قورعاۋشى عالىم اعەلەۋوۆكە وزبەكستان اۋماعىنا كىرۋگە رۇقسات بەرىلمەدى. بۇل جونىندە قازتاگ باسىلىمى حابارلادى. ول قاراقالپاقستانداعى نارازىلىق ماسەلەسىمەن اينالىسىپ جۇرگەن.
قۇقىق قورعاۋشى ۆيتالي پونومارەۆ ايتۋىنشا، «Uzbekistan Airways» اۋە كومپانياسى بىشكەك – تاشكەنت باعىتىنداعى رەيسكە عالىم اعەلەۋوۆتى تىركەۋدەن باس تارتقان. ولار بۇنى قۇقىق قورعاۋشىعا وزبەكستان اۋماعىنا كىرۋگە تىيىم سالىنۋىمەن تۇسىندىرگەن.
اعەلەۋوۆ نوكىستەگى نارازىلىق قاتىسۋشىلارىنىڭ تاشكەنتتەگى جوعارى سوتقا اپەللياتسيالىق شاعىمدانۋ پروتسەسىنە باقىلاۋشى بولۋى ءتيىس بولعان.
عالىم اعەلەۋوۆ Freedom for Eurasia جوباسى اياسىندا 2022 جىلدىڭ سوڭى مەن 2023 جىلدىڭ باسىندا وزبەكستانعا ەكى رەت بارعان. قۇقىق قورعاۋشى قاراقالپاقساتانداعى نارازىلىقتى زەرتتەيتىن رەسمي كوميسسيامەن بايلانىستا بولعان.
اقپاندا ادام قۇقىقتارىن قورعاۋ بيۋروسىندا وتكەن ءباسپاسوز ءماسليحاتىندا اعەلەۋوۆ نوكىس وقيعاسىندا قايتىس بولعاندار سانى رەسمي دەرەكتە كورسەتىلگەننەن الدە قايدا كوپ ەكەنىن ايتقان. ول وزبەكستان بيلىگىنەن ادام قۇقىعىنىڭ بۇزىلۋىنا بايلانىستى قوسىمشا دەرەك بەرۋگە شاقىرعان.
قاراقالپاقستاندا 2022 جىلى 1-2 شىلدە كۇندەرىندە كونستيتۋتسياعا ەنگىزىلەتىن وزگەرىستەرگە قارسى نارازىلىق بولعان. ەنگىزىلەتىن وزگەرىستەردە قاراقالپاقستان وزبەكستان قۇرامىنان ءبولىنىپ شىعۋ قۇقىعىنان ايىراتىن باپتار بولادى. رەسمي دەرەك بويىنشا، نوكىس وقيعاسىندا 21 ادام قازا تاپقان. قۇقىق قورعاۋشىلار 50 ادام قايتىس بولدى دەپ مالىمدەگەن.
نارازىلىقتان كەيىن وزبەكستان بيلىگى كونستيتۋتسيادا وزگەرەدى دەلىنگەن داۋلى باپتاردى الىپ تاستاعان.
اقش پەن رەسەي اراسىنداعى تەڭىزدەگى تەكەتىرەس: «كولەڭكەلى فلوتقا» جاتاتىن Marinera تانكەرىنىڭ ۇستالۋى نەنى اڭعارتادى؟
يرانداعى نارازىلىق: حالىق پەن قاۋىپسىزدىك كۇشتەرى قاقتىعىسقا بەت الدى، ادام ءولىمى ارتتى
ۆەنەسۋەلاداعى اسكەري وپەراتسيا: ترامپتىڭ مالىمدەمەسى جانە ايماقتىق تۇراقسىزدىق تاۋەكەلى
يرانداعى نارازىلىقتار جانە اقش-تىڭ ريتوريكاسى: ايماقتىق قاۋىپسىزدىككە ىقپالى
بەيبىتشىلىككە بوگەت بولعان لوگيكا: ۋكراينا–رەسەي سوعىسىنىڭ شەشىلمەيتىن ءتۇيىنى
يرانداعى تولقۋلار جانە تۇركيانىڭ ۇستانىمى: ساقتىق، پراگماتيزم جانە گەوساياسي ەسەپ