تۇسكە دەيىنگى حابارعا قاراعاندا، ءۇيىندى استىنان ءۇش ادام ءتىرى، ءتورت ادام ءولى تابىلعان.

مينيسترلىك تاراتقان اقپاراتقا قاراعاندا، 17 ساۋىردە استانا ۋاقىتىمەن تاڭعى 5 شاماسىندا جاڭاوزەن قالاسىنىڭ 2-ىقشاماۋدانىنداعى ەكى پودەزى بار 12 پاتەرلى ەكىقاباتتى ۇيدە گاز باللونى جارىلعان. جارىلىس 150 شارشى مەتردى العان ء(ۇيدىڭ جالپى اۋدانى – 600 شارشى مەتر).

قازىرگە دەيىن 12 ادام زارداپ شەككەنى انىقتالىپ، مەديتسينالىق قىزمەتكە تاپسىرىلعان. جارىلىس قالاي، نەدەن بولعانى ەندى انىقتالادى.

ء"ۇيىندى ماڭىندا ماڭعىستاۋ وبلىستىق توتەنشە جاعدايلار قىزمەتىنىڭ 50-دەن استام قۇتقارۋشىسى مەن كينولوگيالىق توبى جانە 10 تەحنيكاسى جۇمىس ىستەپ جاتىر" دەپ حابارلايدى توتەنشە جاعدايلار مينيسترلىگى.

12 ادامعا مەديتسينا كومەگى كورسەتىلگەن. ونىڭ سەگىزى – بالا. بەس ادام اۋرۋحاناعا جاتقىزىلعان.

ماڭعىستاۋ وبلىسىنىڭ تجد جانىنان جەدەل شتاب قۇرىلىپ، جەدەل جەلى تەلەفونى اشىلعان: 8 (7292) 31 90 99.