«قالتالى پارلامەنتتى حالىقتىق پارلامەنت جاساۋىمىز كەرەك!» 2 ناۋرىز. الماتى وبلىسى، تالعار اۋدانى، تۇزدىباستاۋ اۋىلىنىڭ حالقىمەن جولىققان قازاقستان پارلامەنتى ءماجىلىسىنىڭ دەپۋتاتتىعىنا الماتى وبلىسىنداعى N11 سايلاۋ وكرۋگىنەن ۇمىتكەر بولىپ قوعام قايراتكەرى، ساياساتكەر، جۋرانليست رىسبەك سارسەنباي وسىلاي دەدى.

مادەنيەت ۇيىنە جينالعان قالىڭ قاۋىم اۋەلى رىسبەك سارسەنبايدىڭ ءومىر ورنەگى ورنەكتەلگەن «بىرەگەي» ءفيلىمىن تاماشالادى. ۇمىتكەردىڭ سايلاۋشىلارىمەن كەزدەۋ شاراسىن سارسەنبايدىڭ سەنىمدى وكىلى، اقىن، «مۇقاعالي» جۋرنالىنىڭ باس رەداكتورى پاتىق ءماجيتۇلى جۇرگىزدى. كەزدەسۋدە اۋىل تۇرعىندارىمەن بىرگە قوعامدىق بەلسەندى ازاماتتار مۇرات وسپانوۆ، اسىلبەك قاراەۆ، عالىم نۇرپەيىسوۆ، رىسبەك توقتاسىن، دۋمان مۇقامەتكارىم، بيبىگۇل قۇدايبەرگەن ت.ب. ازاماتتار سويلەدى. تۇرزىدىباستاۋ جۇرتى ءوز ۇمىتكەرلەرىنە قولداۋ ءبىلدىرىپ، الدا كەلە جاتقان 19 ناۋرىزدا رىسبەك سارسەنباي ءبىزدىڭ باستى ۇمىتكەرىمىز بولادى دەپ سەنىم ارتتى.