ءجۋرناليستىڭ سوزىنشە، وقيعا تۇنگى ساعات 3-تە بولعان. بورەيكونىڭ كورشىلەرى ەسىكتى جەلىمدەپ، پودەزد ەسىگىن بوياپ كەتكەندەر ءۇش ادام بولعانىن كورگەن. بىراق ولار قاشىپ كەتكەن. بۇل تۋرالى ماسا مەديا جازدى.

– جەلىمدە جانعىش زاتتىڭ ءيىسى بار. ەسىكتى بىتەپ، سوسىن ورتەگىسى كەلگەن سياقتى. «102-گە» حابارلاستىم. جۋرناليست ەكەنىمدى، وقيعانى كاسىبي قىزمەتىممەن بايلانىستىراتىنىمدى ايتتىم. حابارلامانى قابىلداپ، بوستاندىق اۋداندىق پوليتسيا باسقارماسىنا جەتكىزگەنىن ايتتى، – دەپ جازدى جۋرناليست تەلەگرام ارناسىنا.

بورەيكونىڭ ايتۋىنشا، وقيعا ورنىنا بوستاندىق اۋداندىق پوليتسياسىنان نۇرلان نۇرقاسىموۆ باستاعان جەدەل توپ كەلىپ، ەسىكتەن ساۋساق ىزدەرىن العان. ول وزىمەن بولعان جاعدايدى «جۋرناليستەردى قورقىتۋ اكتسياسىنىڭ جالعاسى» دەپ ەسەپتەيدى. بورەيكو دينارا ەگەۋباەۆا، گۇلجان ەرعاليەۆا، گۇلنار باجكەنوۆا، سامال يبراەۆاعا جاسالعان قىسىمدار ءبىر ورتالىقتان ۇيىمداستىرىلعان دەپ توپشىلايدى.

ءبىر كۇن بۇرىن Ulysmedia.kz سايتىنىڭ باس رەداكتورى سامال يبراەۆا سايتتىڭ بۇزىلعانىن جانە ونىڭ العاشقى بەتىنە ءوزىنىڭ جانە وتباسىنىڭ قۇجاتتارى جاريالانىپ كەتكەنىن مالىمدەگەن. جۋرناليست وقيعانى «جەكە ومىرىنە قول سۇعۋ» دەپ باعالاپ، پوليتسياعا ارىز تۇسىرەتىنىن مالىمدەگەن. الەۋمەتتىك جەلىلەردە جۋرناليستكە باعىتتالعان قوقان-لوقى سيپاتىنداعى كوممەنتاريلەردىڭ تاراعانى بەلگىلى بولدى.

اقپارات جانە قوعامدىق دامۋ ءمينيسترى دارحان قىدىرالى ۆەدومستۆو ءتيىستى ورگاندارمەن اقپاراتتىق شابۋىلدى تەكسەرەتىنىن مالىمدەدى.