قازاقستاندا قالىڭ قارعا بايلانىستى 127 اۆتوجول اۋماقتارى جابىلدى، 49-ى – رەسپۋبليكالىق، 78-ءى وبلىستىق ماڭىزى بار جولدار. بۇل جونىندە 4 قاڭتاردا توتەنشە جاعداي مينيسترلىگىنىڭ ءباسپاسوز قىزمەتى حابارلادى.
ۆەدومستۆونىڭ حابارلاۋىنشا، جولدا قالعان جولاۋشىلاردى قۇتقارۋ ماقساتىندا رەسپۋبليكالىق جانە ايماقتىق شتابتار قۇرىلعان.
"بلوكبەكەتتەردە 600 كولىك تۇرىپ قالدى. وتكەن تاۋلىكتە قۇتقارۋشىلار 691 ادامدى قۇتقارىپ، قاۋىپسىز جەرگە كوشىردى، 137-ءسى – بالا (جامبىل، تۇركىستان، قوستاناي، قاراعاندى، اباي وبلىستارىندا). 145 تەحنيكا سۇيرەپ شىعارىلدى" دەپ جازىلعان ۆەدومستۆو حابارلاماسىندا.
ايماقتاردا ۋاقىتشا جىلىنۋ ورىندارى اشىلعان. جامبىل، اباي، اقمولا، قوستاناي جانە پاۆلودار وبلىستارىندا مۇنداي ورىندارىندا 420 ادام بار، 69-ى – بالا.
"قازگيدرومەت" مالىمەتىنشە، 4 قاڭتاردا قازاقستاننىڭ باسىم بولىگىندە قار جاۋىپ، كوكتايعاق بولادى.
