جەلتوقساننىڭ 19 كۇنى جەتسۋ وبلىسى، تالدىقورعان قالاسىندا قاڭتار قىرعىنى كەزىندە قامالعانداردى ازاپتاعان پوليتسەيلەردىڭ ۇستىنەن قوزعالعان قىلمىستىق ءىس بويىنشا 22 رەتكى سوت وتىرسىنا ءبىر كۋاگەر قاتىستى.

كۋاگەر جەڭىسحانۇلى سەرىكبولدان پركۋروردىڭ قاڭتار كەزەندە قانداي ءىستى كورگەنىن سۇرادى. كۋاگەر: كوتەرلىس بولعاننىڭ ەكىنشى كۇنى قوڭىراۋ ءتۇستى. دۆد-عا شاقىردى. تراۆما بويىنشا بولۋ كەرەك انىعى ەسىمدە جوق دەدى. ارى قاراي سوتقا قاتىسۋشىلار كۋاگەرگە سۇراق قويىلمادى.

ەكىنشى كۋاگەر پوليتسيا مايورى مەڭلىباەۆ سارمانبەت سوتقا ونلاين قاتىستى. ول وزىنەن كۋاگەر رەتىندە سۇرالماعانىن ايتتى.  پروكۋروردىڭ قوناقباي قۇرمەتتى تانيسىڭ با دەگەن سۇراعىنا ونى تانيتىنىن قاڭتار كەزىندە قىلمىستىق ءىس بويىنشا تەرگەۋ جۇرگىزىپ ونى سوتقا جىبەرگەنىن. ونى ەشكىمنىڭ ازاپتاعانىن كورمەگەنىن ايتتى. ءارى جابىرلەنۋشى قوناقبايدىڭ سوت ماجىلسىندە بەرگەن جاۋابىن جوققا شىعاردى.

قالعان كۋاگەرلەردىڭ كەلمەي قالۋىنا بايلانىستى سۋديا بەكمۇرات دۇيسەنبەكوۆ ىستەگى كۋاگەرلەردىڭ جاۋابىن ءوزى وقىپ بەرىپ كۋاگەرلەردىڭ جاۋابىن اقىرلىستىردى. اۋىپتالۋشى جاقتىڭ قورعاۋشىلارى قوسىمشا كۋاگەرلەردىڭ كەرەكتىگىن جانە سۋديا جاۋاپتارىن وقىعان كۋاگەرلەردى دە شاقىرۋىن سۇرادى.

ۇزاققا سوزىلعان سوت پروتسەسىندە اۋەلى 23 جابىرلەنۋشى مەن 9 كۋاگەر تىڭدالدى. ءىس بويىنشا 16 كۋاگەر تىڭدالۋى كەرەك-ءتى.

وتكەن سوت وتىرستارىندا تىڭدالعان كۋاگەرلەردىڭ دەنى مەد قىزمەتكەرلەرى بولدى. ۋاقىتشا قاماۋ ورنىمەن كۇشتىك قۇرلىمدارداعى مەديتسينا قىزمەتكەرلەرى جابىرلەنۋشىلەردىڭ اۋىر جاراقاتىن كورمەدىك ءيا بولماسا ەسىمىزدە جوق دەسە، جەدەل جاردەم مەن ەمحانا قىزمەتكەرلەرى جابىرلەنۋشىلەردىڭ سوققىدان العان اۋىر جاراقاتتارىن راستادى.