موڭعوليا استاناسىندا جاپپاي نارازىلىق شەرۋلەرى ءوتتى

موڭعوليا استاناسى ۇلانباتىردا ءۇش كۇننەن بەرى ۇلكەن نارالىزىق شاراسى ءوتىپ جاتىر. ەرەۋىلشىلەر ۇكىمەت ۇيىنە باسىپ كىرىپ، الاڭداعى  شىرشالاردى ورتەگەن.

نارازىلىق بىلدىرۋشىلەر كومىر ەكسپورتىنان تۇسكەن پايدانى ۇرلادى دەپ ايىپتالعان ۇكىمەت شەنەۋنىكتەرىنىڭ اتىن اتاۋدى تالاپ ەتتى.

بۇل جاڭالىقتى twitter مەن telegramm-داعى #Mongolia كەشتەگىندە تارقالىپ جاتىر.

https://twitter.com/i/status/1599730691263995904

جەلتوقساننىڭ 4-ءى كۇنى موڭعوليا استاناسى ۇلانباتىردا ۇكىمەت سارايىنا جينالعان نارازىلىق توپ سوڭعى ەكى جىلدا موڭعوليا مەملەكەتىنىڭ كومىر ەكسپورتىنان تۇسكەن موڭعول توگىرگى (MNT) 44 تريلليون (12,8 ميلليارد دوللار) تابىسىن جىمقىردى دەگەن شەنەۋنىكتەردىڭ اتى-ءجونىن اتاۋدى تالاپ ەتتى.

جەلتوقساننىڭ 5-ءى كۇنى ۇكىمەت مۇشەلەرى ءباسپاسوز ءماسليحاتىن وتكىزىپ، كومىر تابىسىنىڭ توڭىرەگىندەگى ۇرلىق فاكتىلەرىنە قاتىستى مالىمدەمە جاسادى.

«كومىر ۇرلىعىنا قاتىستى 10 قىلمىستىق ءىس قوزعالىپ، ولار كەلىسىم-شارتقا، تاسىمالداۋعا جانە تەمىرجولعا قاتىستى ءۇش ءتۇرلى ءىس بويىنشا تەرگەلۋدە»، - دەپ قوستى حۇرەلبااتار.

مينيستر كومىر ۇرلىعىنا كۇدىكتى رەتىندە «Erdenes Tavan Tolgoi» كومپانياسىنىڭ بۇرىنعى بەس ديرەكتورىن اتادى.

«Erdenes Tavan Tolgoi» كومپانياسىنىڭ ءتورت جىل باسقارعان باس ديرەكتورى گانحۋياگ باتتۋلگا قازان ايىندا قىزمەتىنەن بوساتىلعان. الايدا، ونىڭ كۇنەن ءبۇرىن كەتۋىنە بايلانىستى ەشقانداي تۇسىنىكتەمە بەرمەگەن.