«قاڭتار» قۇقىقتىق قولداۋ ورتىلىعى» قوعامدىق قورىنىڭ قۇرىلتايشىلارى مەن قامقورشىلارىنىڭ مالىمدەمەسى

5 قازاندا Orda.kz سايتىنىڭڭ باس رەداكتورى گۇلنار باجكەنوۆانىڭ ۇيىنە بەلگىسىز ادامدار كەسىلگەن دوڭىزدىڭ باسىمەن جۋرناليستىڭ جىرتىلعان سۋرەتىن قالدىرىپ كەتكەن. وسىعان بايلانىستى «قانتار» قۇقىقتىق قولداۋ ورتالىعى» قوعامدىق قورى تاۋەلسىز ءجۋرناليستىڭ ومىرىنە الاڭلاۋشىلىعىن ءبىلدىرىپ مالىمدەمە جاسادى

«قاڭتار» قۇقىقتىق قولداۋ ورتىلىعى» قوعامدىق قورىنىڭ قۇرىلتايشىلارى مەن قامقورشىلارىنىڭ مالىمدەمەسى

ءوزىن قۇقىقتىق جانە دەموكراتيالىق مەملەكەت دەپ جاريالايتىن قازاقستان رەسپۋبليكاسىنداادام قۇقىقتارىنىڭ جالپىعا بىردەي دەكلاراتسياسىنا دەگەن مىزعىماس قۇرمەت بولۋ كەرەك.دەكلاراتسيانىڭ19-بابىندا تومەندەگىدەي جازىلعان:«ءار ادام نانىم-سەنىم بوستاندىعىنا جانە ءوز كوزقاراسىن ەركىن بىلدىرۋىنە قۇقىعى بار; بۇل قۇقىق ءوز نانىم-سەنىمىن كەدەرگىسىز ۇستانۋ ەركىندىگىن جانە مەملەكەتتىك شەكارالار تارتىبىنە تاۋەلدى بولىپ قالماي، اقپاراتتار مەن يدەيالاردى ەركىن ىزدەپ، كەز كەلگەن قۇرالدار ارقىلى تاراتۋ بوستاندىعىن دا قامتيدى».

بۇل ازاماتتىق قۇقىقتىڭ نەگىزگى كەپىلى – بۇقارالىقاقپارات قۇرالدارىنىڭ بوستاندىعى، وزدەرىنىڭ كاسىبي مىندەتتەرىن ادال جۇزەگە اسىراتىن جۋرناليستەرگە قول سۇعىلماۋشىلىق.

مۇنداي جۋرناليستەرگە قوقان-لوققى مەن قىسىم جاساۋعا جول بەرىلمەيدى جانە بۇل زاڭدا بەلگىلەنگەن تارتىپپەن قۋدالانۋى ءتيىس.

«قانتار» قۇقىقتىق قولداۋ ورتالىعى» قوعامدىق قورى (بۇدان ءارى – قور) تاۋەلسىز جۋرناليست گۋلنارا باجكەنوۆا مەن «ORDA.kz» ينتەرنەت-رەسۋرسىنا قاتىستى جاسالعان، سايتتى بۇعاتتاۋدان، جۋرناليستكە جانۋاردىڭ كەسىلگەن باسىن جىبەرۋدەن جانە قورقىتۋدىڭ باسقا دا ارانداتۋشىلىق ارەكەتتەرىنەن كورىنگەن قۇقىققا قارسى ارەكەتتەرگە بايلانىستى ءوز الاڭداۋشىلىعىن بىلدىرەدى.

ءسوز بوستاندىعى جانە ءوز ويىن ءبىلدىرۋ قۇقىعى – 2022 جىلعى قاڭتارداعى درامالىق وقيعالاردىڭ ناتيجەسىندە باسىن كوتەرگەن جاڭا جانە ءادىل قازاقستاننىڭ باستى جانە مۇمكىن،ازىرشە، جالعىز جەتىستىكتەرىنىڭ ءبىرى. وسى قۇقىقتىڭ قايتا جاندانۋىنىڭ ارقاسىندا قوعام اشىق بولا باستادى، قاراپايىم ادامداردىڭ وزدەرىنىڭ ماسەلەلەرىن، ۇمىتتەرى مەن ۇمتىلىستارىن اشىق ايتۋىنا مۇمكىندىك تۋدى، ال مەملەكەت ءوز ازاماتتارىن تىڭداي باستادى.

شىندىقتى ايتقاندارعا قوقان-لوقى كورسەتۋ جانە قۋعىن-سۇرگىنگە ۇشىراتۋ ارقىلى باسىپ تاستايتىن كەزدەردىڭ ورالۋىنا جول بەرىلمەۋى كەرەك، ويتكەنى بۇل ەلىمىزدى تاعى دا ەكونوميكالىق جانە ساياسي داعدارىسقا ۇشىراتىپ، جاڭا ازاماتتىق قاقتىعىستار تۋعىزۋى مۇمكىن.

قور ءسوز بوستاندىعى مەن ادال جۋرناليستيكانى قورعاۋ قاجەت دەپ سانايدى.قوعامىمىزدى تولعاندىراتىن تاقىرىپتار تۋرالى شىندىقتى جازاتىن، ادال جانە تۇبەگەيلى تاۋەلسىز جۋرناليستىك زەرتتەۋلەر جۇرگىزەتىن جۋرناليستەردىڭ قۇقىقتارىن قورعاۋدى قامتاماسىز ەتۋ ءۇشىن قور قاجەتتى مورالدىق قولداۋ مەن كاسىبي قىزمەتىن قامتاماسىز ەتۋگە بايلانىستى ماسەلەلەر بويىنشا بىلىكتى زاڭ كومەگىن كورسەتۋگە نيەت ەتىپ وتىر.سونىمەن قاتار، قور جۋرناليستەردى قورعاۋدىڭ وزگە دە تۇرلەرىن قامتاماسىز ەتۋگە، سونداي-اق باق-قا قاتىستى زاڭسىز ارەكەتتەر جاساعان ادامداردى انىقتاۋعا، وسى ادامداردى زاڭدا بەلگىلەنگەن جاۋاپكەرشىلىككە تارتۋ ءۇشىن كەز-كەلگەن زاڭعا نەگىزدەلگەن كومەك كورسەتۋگە دايىن.

جوعارىدا اتالعان كومەك كورسەتۋ جونىندەگى بارلىق ماسەلەلەر بويىنشا كەلەسى تەلەفون نومىرلەرى ارقىلى حابارلاسۋعا بولادى:

+ 7 777 036 9 222,

+ 7 777 036 9 555.