جاڭا قازاقستاننىڭ ۇكىمەتى بازار باعاسىن ۇستاي الماي كۇندەلىكتى تۇتىنۋدىڭ قىمباتشىلىعى قىسىپ تۇرعاندا اۋىل تۇرعىندارى مەملەكەت شەشپەگەن ءتۇيندى وزدەرى شەشۋگە كىرىستى.

الماتى وبلىسى تالعار اۋدانى الاتاۋ وكرۋگى قىزىل-قايرات ەسىمىمەن بەلگىلى، اۋىل كۇن ساناپ ءوسىپ كەلەدى، الماتى قالاسىنان 20 شاقىرىم قاشىق تۇراتىن بۇل اۋىل تاۋ بوكتەرىندە ورنلاسقان، اۋاسى سالقىن، كوگونىس پەن جەمىسكە باي. اۋىلدا بىرنەشە ۇلت وكىلدەرى ارالاس قونىستانعان. بىرنەشە اي بۇرىن وسى اۋىلدىڭ تۇرعىنى قۇرمەتوللا مۇحامەتحانۇلىنىڭ ۇيىمداستىرۋىمەن قۇرىلعان “قىزىلقايرات OLX” ۆاتساپ توبى اۋىل تۇرعىندارىنىڭ ءوز ونىمدەرىن ءبىر-بىرىنە ساۋدالاۋىنا، جاعدايى تومەن كىسىلەرگە قايىرىمدىلىق جاساۋىنا، اۋىل جاڭالىعىن ءبولىسىپ، ءوزارا قولۇشىن سوزۋعا جول اشتى. توپتى اشىپ قالساڭىز قىزۋ ءومىر قايناپ جاتادى، كۇن سۋىتقالى جىلى كيىمدەرىن مۇقتاج كىسىلەرگە بەرەمىن دەپ حابارلاما جازا باستادى. ءار كىم كەرەگىن وسى ورتادان تاۋىپ، ءجون سىلتەيدى. سالات باساتىن، توساپتار قايناتاتىن جاز بەن كۇز مەزگىلىندە ءار تۇرعىن ءوز ونىمدەرىن ساۋدالايتىن ورىندى الىستان ىزدەمەي-اق ءتيىمدى باعادا وتكىزە الادى. ۇيىندە وتىرىپ ءوز قاجەتىن قولجەتىمدى باعادا تاپسىرىس بەرە الاتىنىنا تۇرعىندار دا ريزا. بازارداعى باعادان الدە قايدا ارزان. باقشا ونىمدەرىن مولىنان وندىرەتىن اۋىلدىڭ قاراپايىم تۇرعىندارى، سوڭعى جىلدارى قالادان قونىس اۋدارعان، قالاعا قاتىناپ جۇمىس ىستەيتىن اۋىلداستارىن تابيعي، تازا ونىمدەرمەن قامتاماسىز ەتەدى، سونداي-اق وزدەرى دە ەڭبەكتەرىنىڭ جەمىسىن جەپ وتىر.

الماتى وبلىسى.

ن. بايتۇرسىن