يزرايل قارۋلى كۇشتەرىنىڭ جوعارى قولباسشىسى مالىمدەمە جاساپ، ليۆانداعى حيزبۋللاح كۇشتەرىنە تيەسىلى دەلىنگەن اسكەري ماقساتتاعى نىسانداردى انىقتالعانىن، كەلەسى سوققىلار وسى نىساندارعا باعىتتالاتىنىن ايتتى.
يزرايل باس شتاب باسشىسى اۆيۆ كوچاۆي ليۆانداعى حيزبۋللاح كۇشتەرىنە باعىتتالعان كەلەسى سوققىلار ولاردىڭ زىمىران جانە زىمىران قوندىرعىلارىن جويۋدى باستى ماقسات ەتەتىنىن بىلدىرگەن. ول اتالمىش ءدىني قوزعالىسقا تيەسىلى كوماندالىق شتابتار عيماراتتارى، زىمىراندار، ۇشىرۋ قوندىرعىلارىن قامتىعان كوپتەگەن نىسانا شابۋىل جوسپارىنا كىرگەنىن ايتتى.
حيزبۋللا ليۆانداعى يران قولداۋىنداعى ىقپالدى يسلام ۇيمى. اتالمىش ۇيىم ەلدىڭ وڭتۇستىك شەكارا ايماعىن ءوز باقىلاۋىندا ۇستايدى.2013 جىلدان بەرى حيزبۋللا ۇيىمىنا قارسى يزرايل اۋىق-اۋىق اسكەري وپەراتسيالاردى جۇزەگە اسىرىپ كەلەدى، دەگەنمەن تاراپتار ورتاسىندا اۋقىمدى قاقتىعىس بولا قويعان جوق.
وسىدان بۇرىن حيزبۋللا ۇيىمىنىڭ وكىلى حاسان ناسروللا گرەكياعا قارسى مالىمدەمە جاساپ، ليۆان مەن يزرايلنىڭ تەڭىزدەگى داۋلى تەرريتورياسىندا ەۆرەي مەملەكەتىمەن كەلىسە وتىرىپ گاز بارلاۋ جۇمىسىن جۇرگىزگەنىن ايتىپتاعان بولاتىن.
يزرايل وزىمەن شەكارالاس ليۆان جانە سيريا سەكىلدى ەلدەردەگى يران قولداۋىنداعى ۇيىمدارعا بارىنشا ساقتىقپەن مامىلە جاسايدى. جاقىندا عانا ەۆرەي اۋە كۇشتەرى داماسك اۋەجايىنا زىمىران سوققىسىن بەرىپ، ونداعى حالىقارالىق رەيستەر دە توقتاپ قالعنا بولاتىن. داماسككە قويىلعان رەسەيلىك اۋە قورعانىس جۇيەسى يزرايل زمىرانىن توقتاتا العان جوق.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى