بۇگىن يران مەن ەۋروپا وداعى اراسىندا «يادرولىق كەلىسىمدى» العا جىلجىتۋ بويىنشا كەلىسسوزدەر بريۋسسەلدە وتەدى. كەلىسسوز يران ءسىم باسشىسىنىڭ ورىنباسارى الي باكيري مەن ەو سىرتقى بايلانىستار قىزمەتى باس حاتشىسىنىڭ ورىنباسارى ەنريكە مورا اراسىندا بولادى.
يران يادرولىق كەلىسىم بويىنشا ەۋرووداق ەلدەرىمەن كەلىسسوزدەرىن 14 قازاندا باستاعان بولاتىن. ەكى كۇن بۇرىن يران ءسىم تارابى مالىمدەمە جاساپ «ناتيجەگە جەتۋ جولىنداعى» كەلەسى كەلىسسوز وتىرىسىنا دايىن ەكەنىن بىلدىرگەن ەدى.
ءوزىنىڭ الەۋمەتتىك جەلىدەگى مالىمدەمەسىندە باكيري بۇگىنگى كەلىسسوزدىڭ باستى پروبلەماسى – قارسى تاراپتى كەلىسىمدى ەڭ الدىمەن بۇزعان ەلدىڭ (قۇراما شتاتتاردى مەڭزەپ وتىر – QT) قولايسىز ساياساتىنان باس تارتۋعا كوندىرۋ ەكەنىن ايتقان. «ناتيجەسىز قىسىمداردى ۇدەتكەن ونداي ساياسات كەلىسسوزدەردىڭ كەدەرگىسىن جويۋدىڭ ورنىنا، ماسەلەنى شيەلەنىستىرە تۇسەدى»، – دەگەن الي باكيري.
ەنريكە مورا باستاپ بارعان دەلەگاتسيا تەھراندا 14 قازان كۇنى الي باكيري باسقارعان يران دەلەگاتسياسىمەن كەلىسسوز جۇرگىزگەن ەدى. يراننىڭ جاڭا بيلىگى وزىنە سالىنعان قاتاڭ ەكونوميكالىق سانكتسيالاردى جويىپ، سىرت ەلدەرمەن ساۋدا ەكونوميكالىق دامۋعا كەپىلدىك الاتىن كەلىسسوزدەردى جانداندىرۋعا نيەتتى ەكەنىن ءبىلدىرىپ كەلەدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟