![](https://qazaqtimes.com/kk/content/uploads/2016/12/D6CC1283-0B26-4384-AF08-D77B4BAEFDF4_w987_r1_s-800x480.jpg?token=5d99fab9b4ede035dd43a0cbf091495b)
اقش-تىڭ سايلانعان پرەزيدەنتى دونالد ترامپ يزرايلگە ادەپسىز، دورەكى قاراۋعا جول بەرمەيتىنىن مالىمدەدى. ول ءوزىنىڭ Twitter الەۋمەتتىك جەلىسىندەگى پاراقشاسىنا ءيزرايلدى 2017 جىلدىڭ 20 قاڭتارىنا بەلگىلەنگەن يناۋگۋراتسياسىنا دەيىن شىداي تۇرۋعا شاقىردى.
ترامپتىڭ سوزدەرىنشە، اقش ءيزرايلدىڭ "وتە جاقسى دوسى" دوسى بولىپ كەلگەن، بىراق يرانمەن يادرولىق كەلىسىم جۇرگىزگەننەن كەيىن جاعداي وزگەرگەن. بيىلعى جىلدىڭ 16 قاڭتارىندا تەگەرانعا قارسى يادرولىق قارۋ جاساپ شىعارۋ ارەكەتى ءۇشىن سالىنعان سانكتسيالار الىنىپ تاستالعان.
يزرايل پرەمەر-ءمينيسترى بەنيامين نەتانياحۋ ترامپتىڭ جازباسىنا "يزرايلگە قولداۋ بىلدىرگەنى ءۇشىن جانە جىلى دوستىق نيەتى ءۇشىن" دەپ العىسىن جەتكىزگەن.
23 جەلتوقساندا بۇۇ قاۋىپسىزدىك كەڭەسى يزرايلگە قاتىستى ەۆرەي حالقىن پالەستينا اۋماعىنا كوشىرۋدى توقتاتۋعا شاقىرىپ، رەزوليۋتسيا قابىلداعان. بۇل قۇجاتقا كەڭەستىڭ مۇشەلەرى – 14 مەملەكەت داۋىس بەردى. اقش قالىس قالعان. اقش ۇزاق جىلدار بويى ءبىرىنشى رەت يزرايلگە قارسى قۇجاتقا قارسىلىق بىلدىرمەدى. نەتانياحۋ وسىدان كەيىن پالەستيندىقتارمەن "استىرتىن ىمىرالاسقان" دەپ اقش اكىمشىلىگىن ايىپتادى.