اقوردا سايتىندا جاريالانعان جارلىقتا "مەملەكەت باسشىسىنىڭ جارلىعىمەن قازاقستان رەسپۋبليكاسى پارلامەنتى سەناتىنىڭ دەپۋتاتى داريعا نۇرسۇلتانقىزى نازارباەۆانىڭ وكىلەتتىگى توقتاتىلدى", - دەلىنگەن.
قازاقستاندى 30 جىلداي ۋاقىت بيلەگەن ەكس-پرەزيدەنتتىڭ تۇڭعىشى داريعا نازارباەۆا ۇزاق جىلدار بويى بيلىكتە ءارتۇرلى لاۋازىمدا، سوڭعىسى، بىلتىردان بەرى پرەزيدەنتتەن كەيىنگى "رەزەرۆ كادر" ميسسياسىنا پارا-پار قىزمەتتە، ياعني سەنات توراعاسى ورنىندا بولدى.
56 جاستاعى داريعا نازارباەۆا ءار جىلدارى "حابار" اگەنتتىگىنىڭ جەتەكشىسى، بۇرىنعى "اسار" ساياسي پارتياسىنىڭ باسشىسى، ءماجىلىس دەپۋتاتى، پالاتا ۆيتسە-سپيكەرى، ۆيتسە-پرەمەر ت.ب. قىزمەتتە بولعان. تالتۇستە تۇركىستان وبلىسىنداعى سۋ تاسقىنى تۋرالى تۋيتتەر جەلىسىندەگىجەكە رەسمي پاراعىندا پىكىر بىلدىرگەن پرەزيدەنت توقاەۆ بۇگىن جاريالانعان جارلىق تۋرالى، ياعني نازارباەۆانىڭ توسىن وتستاۆكاسى جونىندە بىردەن كومەنتاري بەرگەن جوق. ساعات 13:28-دە نازارباەۆاعا "سەنات توراعاسى رەتىندە اتقارعان بەلسەندى جانە جەمىستى جۇمىسى ءۇشىن ريزاشىلىعىمدى بىلدىرەمىن" دەپ جازدى.
كوكتەمنىڭ باسىندا ۇلىبريتانيانىڭ قىلمىسپەن كۇرەس اگەنتتىگى (NCA) قازاقستان سەناتىنىڭ سپيكەرى داريعا نازارباەۆا مەن ونىڭ ۇلى ءنۇرالي اليەۆتىڭ اعىلشىن استاناسىنداعى قىمبات ۇيلەرىنە "زاڭسىز/بەلگىسىز كاپيتال" كۇدىگىمەن وردەر شىعارىپ، ءىستى سوتقا جولداعان ەدى. 8 ءساۋىر لوندوننىڭ جوعارعى سوتى نازارباەۆا مەن اليەۆتىڭ لوندونداعى ەكى ءزاۋلىم ءۇيى مەن قىمبات پاتەرىنە قاتىستى وردەردىڭ كۇشىن جويدى. بىراق اعىلشىن اگەنتتىگى قازاقستاندىق ەليتا وكىلدەرىنىڭ مۇلكىنە قاتىستى ءىس بويىنشا اپپەلياتسيا بەرەتىنىن مالىمدەدى.
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى
كونستيتۋتسيا تاعى وزگەرمەك: رەفورما ما، الدە بيلىكتى قايتا قۇراستىرۋ ما؟
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى
ايزات جۇمانوۆانىڭ ءولىمى: بۇگىن ۇكىم وقىلدى، ايىپتالۋشى 14 جىلعا سوتتالدى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى