جەكسەنبىدەگى مالىمەتتەر بويىنشا الەمدە Covid-19 ۆيرۋسىن جۇقتىرعاندارسانى 300 مىنان استى، ولاردىڭ 13 مىڭنان استامى قازا تاپتى. ال، اۋرۋدان ايىققاندارىنىڭ سانى 92 مىڭ شاماسىندا. 

گەرمانيا

گەرمانيا جەكسەنبى دە ىندەتكە قارسى شارالاردى قاتاڭ رەجيمگە اۋىستىردى. بيلىك ەلدەگى بارلىق كافە، رەستورانداردى جاپتى، باسقا دا قىزمەت كورسەتۋ ورىندارى دا جۇمىسىن ۋاقىتشا توقتاتتى. كوشە دە جانە تۇرعىن ءۇي ماڭىندا دا ەكىدەن كوپ ادامنىڭ بىرگە تۇرۋىنا، جۇرۋىنە شەكتەۋ قويدى.

گەرمانيا كانتسلەرى انگەلا مەركەل حانىم دا ءۇي كارانتيندە وتىر. سەبەبى، جۇما كۇنى ونىڭ دەنساۋلىعىن تەكسەرگەن دارىگەرىنەن كوروناۆيرۋس ينفەكتسياسى انىقتالعان.

اعىلشىن ارالىندا

بريتانيا مەن يرلانديادا ىندەتكە بايلانىستى McDonald's جابىلدى. جابىلار الدىندا اتالعان تاعام جەلىسى مەديتسينا قىزمەتكەرلەرىنە تەگىن گامبۋرگەر تاراتقان.

اعىلشىن بيلىگى ارالدا ۆيرۋستىڭ تارالۋى كۇشەيىپ كەتكەنىن راستادى. بريتانيانىڭ وزىندە ىندەتكە شالدىققاندار 5 مىڭنان، ال قازا بولعاندار 250-گە جۋىقتادى.

فرانتسيا

فرانتسيادا جاعداي بۇدان الدە قايدا اۋىر. ۆيرۋس جۇقتىرعاندار سانى 16 مىڭنان اسىپ، 674 ادام كوز جۇمعان. 7200-دەن استام ناۋقاس ارنايى مەديتسينالىق كومەكپەن جان ساقتاپ جاتىر.

يتاليا

ەۋروپادا ىندەتتەن ەڭ كوپ زارداپ شەككەن يتاليادا 3000-نان استام ادام كوز جۇمىپ، ۆيرۋستان قازاق بولعاندار سانى قىتايدان دا اسىپ ءتۇستى. وتكەن ءبىر تاۋلىكتىڭ وزىندە 800 ادام قازا بولىپ، رەكوردتىق كورسەتكىشكە جەتتى.

اۋستراليا (اۆستراليا)

الىس اۋسترالياداعى جاعداي ەۋروپادان جەڭىلىرەك. مەكتەپتەر قالىپتى ساباق وتۋدە. تەك، اتا-انالار بالاسىن مەكتەپكە جىبەرمەۋگە قۇقىلى. بىراق، جۇرت كوپ جينالاتىن كينوتەاتر، كلۋب، تەاتر، سپورت كەشەندەرى جابىلعان.

ەلدە ۆيرۋس جۇقتىرعاندار سانى 1300 شاماسىندا.

ءۇندىستان

دەلي بيلىگى ەلدە 14 ساعاتتىق كومەندانتتىق ساعات ەنگىزدى. ەگەر بۇل ىنجەتتىڭ تارالۋىنا ءونىمدى توسقاۋىل قويسا ۇكىمەت بۇنى تاباندى اتقارۋعا كۇش سالماق. ەل ازاماتتارىنىڭ بۇل ەرەجەگە باعىنباي جاتقاندارى وتە كوپ.

يران

تەھران (تەگەران) بيلىگى ىندەتكە قارسى تۇرۋ ءۇشىن اقش ۇسىنعان كومەكتى كەرى قايتاردى. ەلدىڭ رۋحاني كوسەمى اياتوللا حومەنەي قۇراما شتاتتىڭ كومەك بەرگىسى كەلگەنىن كۇماندى ارەكەت رەتىندە باعالادى جانە "كورنوناۆيرۋستى اقش ءوزى ويلاپ تاپقان بولۋى مۇمكىن" دەگەن ءسوزىن قايتالادى.

تايلاندتا ۆيرۋسقا شالدىققاندار چانى 600 ادامعا جەتتى. ەلدىڭ ورتالىق قالاسى كارانتينگە الىنۋى مۇسكىن.

وڭتۇستىك كورەيادا جاعداي بىرقالىپتى. ەلدەگى شەكتەۋگە قاراماستان كەشەگى كۇنى شىركەلەرگە جينالىپ قۇدايعا جالبارىنعاندار كوپ بولعان.

افريكا ەلدەرىندە ىندەت جۇقتىرعاندار ەڭ از تىركەلىپ كەلگەن ەدى. سوڭعى ەۋى كۇندە شۇعىل كوبەيدى. جەكسەنبىدەگى مالىمەت بويىنشا ولاردىڭ سانى 1200 شاماسىندا.

"The Qazaq Times"