فوتو: kp.ru

فەدەرالدىق قاۋىپسىزدىك دەپارتامەنتىنىڭ ەسەبىنە قاراعاندا اتا-اناسىز گەرمانياعا بارىپ، باسپانا تالاپ ەتكەن 14-17 جاس اراسىنداعى بالالاردىڭ 8346-سى ءىز-توزسىز كەتكەن. بۇل تۋرالى trt.net مالىمدەدى.

دەپارتامەنت شىلدە ايىنداعى ەسەبىندە بۇل ساندى 8991 دەپ بەرگەن ەدى.

سونىمەن بىرگە، گەرمانيادا جوعالىپ كەتكەن 13 جاستان تومەن بالا سانى 922.

ءبىر بوسقىن لاگەرىنە تىركەۋلى بالا لاۋازىم يەلەرىنە حابار بەرمەستەن كەتىپ قالسا، ول دا جوعالدى دەپ ەسەپتەلەدى. بالالاردىڭ كوبى لاگەر جانە جاتاقحانالاردان كەتىپ قالادى. الايدا كەيبىر بالالار تەررور ۇيىمدارىنىڭ نەمەسە ەسىرتكى توپتارىنىڭ قولىنا تۇسەدى دەپ بولجام جاسالعان.

تاياۋ ۋاقىتتاعى ورتا شىعىس پەن تاياۋ شىعىستان كارى قۇرلىققا اعىلعانداردىڭ سانى جىل سايىن نەشە ميليوننان اسىپ كەتەدى. بۇلاردىڭ كوبى ەڭبەك كۇشىن كوپ قاجەت ەتەتىن گەرمانيا سەكىلدى دامىعان ەلدەرگە جەتىپ كۇن كۇرىسىن جالعاماققا ۇمتىلعانىمەن ءبارىنىڭ بىردەي جولى بولا بەرمەيتىنى انىق.

“The Qazaq Times”