ارمان وسپانوۆ العاشقى راۋندتان-اق نوكاۋتپەن جەڭىسكە جەتتى

كەشە الماتىدا وتكەن تۋرنيردە ارالاس جەكپە-جەكتەن قازاقستاندىق فايتەر ارمان وسپانوۆ رەسەيلىك راسۋل ميرزاەۆتى نوكاۋتقا ءتۇسىردى.

اتالعان جەكپە-جەك الماتىدا وتكەن ACA 105 ءتۋرنيرىنىڭ باستى وقيعاسى بولىپ، ءبىرىنشى راۋندتا اياقتالدى.

30 جاستاعى ارمان وسپانوۆ وسىمەن ونىنشى رەت جەڭىسكە جەتتى، ءۇش رەت جەڭىلگەن. ال 33 جاستاعى ميرزاەۆ كارەراسىندا ءۇشىنشى رەت جەڭىلىپ وتىر. ونىڭ 18 جەڭىسى بار.

ايتا كەتەيىك، وسپانوۆ پەن ميرزاەۆ 2018 جىلدىڭ 10 قاراشاسىندا ماسكەۋدە كەزدەسۋى كەرەك بولعان، بىراق قازاقستاندىق جاراقاتىنا بايلانىستى جەكپە-جەككە شىعا الماعان.

مۇنىڭ الدىندا بۇل تۋرنيردە باسقا دا قازاقستاندىقتار كەزدەسۋگە شىققان. ارتەم رەزنيكوۆ (21-6), اسىلجان باقىتجانۇلى (11-1), ەۆگەني ەگەمبەرديەۆ (11-2) جانە نۇرسۇلتان قاسىمحانوۆ (10-2) قارسىلاستارىنان باسىم تۇسكەن.

"The Qazaq Times"