اقش تايۆانعا قارۋ-جاراق جەتكىزبەك

 اقش پرەزيدەنتىنىڭ اكىمشىلىگىنىڭ مالىمدەۋىنشە،  امەريكا تاراپىنان تايۆانعا، قىتايدان قورعانۋ ءۇشىن, كولەمدى قارۋ جاراق، ونىڭ ىشىندە مودەنرنيزاتسيالانعان زىمىران جۇيەلەرى مەن كەمەلەرگە قارسى جابدىقتالعان زىمىرانداردى  جەتكىزۋدى جوسپارلاپ جاتىر دەپ حابارلايدى Reuters اگەنتتىگى. سونىمەن قاتار، جونەلتىلەتىن قارۋ-جاراقتىڭ كولەمى، باراك وبامانىڭ پرەزيدەنت بولعان كەزىندە كەلىسىلگەن كولەمنەن ەداۋىر ارتىق بولۋى مۇمكىن. 

وسىعان دەيىن دە دونالد ترامپ ء"بىر قىتاي" ساياساتىنا باعىنباي-اق، تايۆانمەن قارىم-قاتىناسىن قايتا قارايتىندىعىن ايتقان ەدى.

ء"بىر قىتاي" ساياساتى تايۆان ماسەلەسىنە بايلانىستى قحر باسشىلىعى ۇستانىپ وتىرعان ساياساتىنىڭ ىرگەتاسى بولىپ تابىلادى. ساياساتقا سايكەس، تايۆان ارالى قىتايدىڭ ءبىر پروۆينتسياسى رەتىندە ەسەپتەلەدى. رەسەيدىڭ كوزقاراسى بويىنشا، تايۆان - قىتايدى اجىراماس بولشەگى بولىپ تابىلادى.

سوعان قوسا، پرەزيدەنت باسقارماسىنىڭ ايتۋىنشا، بۇل كەلىسىم جاقىن ارادا جۇزەگە اسپاق. ويتكەنى، وسى سۇراقتىڭ توڭىرەگىندە پەكين مەن ۆاشينگتون اراسىنداعى ىنتىماقتاستىق ماسەلەلەرىنە كەدەرگى كەلتىرۋى مۇمكىن.

“The Qazaq Times”